امریکی ریاست واشنگٹن میں معمول کی تربیتی پرواز کے دوران امریکی میرین کور کا ایف/اے-18 ہارنیٹ لڑاکا طیارہ پہاڑی علاقے میں گر کر تباہ ہو گیا، تاہم پائلٹ نے بروقت ایجیکٹ کر کے اپنی جان بچا لی۔
امریکی میڈیا رپورٹس کے مطابق یہ حادثہ واشنگٹن کے ایک پہاڑی علاقے میں پیش آیا، جہاں امریکی میرین کور کا جنگی طیارہ معمول کی تربیتی پرواز پر تھا۔ پرواز کے دوران اچانک تکنیکی خرابی یا نامعلوم وجہ کے باعث طیارہ کنٹرول سے باہر ہو کر زمین پر آ گرا اور تباہ ہو گیا۔
A fighter jet crashed near Rimrock Lake in Yakima County, Washington, but the pilot ejected before impact. pic.twitter.com/mjRuPpGEfM
— Charles (@Charles47674402) June 14, 2026
حادثے کے فوراً بعد ریسکیو اور ایمرجنسی ٹیمیں موقع پر پہنچ گئیں اور علاقے کو گھیرے میں لے لیا گیا۔ حکام کے مطابق پائلٹ نے بروقت ایجیکٹ کر کے اپنی جان بچا لی اور اسے معمولی زخمی حالت میں قریبی طبی مرکز منتقل کیا گیا۔
یہ بھی پڑھیں:کویت میں امریکی ایف 15 طیارہ تباہ
امریکی حکام نے واقعے کی تصدیق کرتے ہوئے کہا ہے کہ حادثے کی وجوہات جاننے کے لیے مکمل تحقیقات کا آغاز کر دیا گیا ہے۔ ابتدائی طور پر کسی بڑے جانی نقصان کی اطلاع نہیں ملی۔
⚡️ 🚫 Columns of smoke rising as a result of an F-18 fighter jet crash in Washington state a short while ago. pic.twitter.com/PV00k1GMs4
— Middle East Observer (@ME_Observer_) June 14, 2026
دفاعی ماہرین کے مطابق ایف/اے-18 ہارنیٹ امریکی بحریہ اور میرین کور کا اہم لڑاکا طیارہ ہے جو مختلف فضائی مشنز اور تربیتی مقاصد کے لیے استعمال کیا جاتا ہے۔
