نائب وزیراعظم و وزیر خارجہ سینیٹر اسحاق ڈار اور ترکیہ کے وزیر خارجہ ہاکان فیدان کے درمیان ٹیلیفونک رابطہ ہوا ہے۔
ترجمان دفتر خارجہ کے مطابق دونوں رہنماؤں نے مشرق وسطیٰ کی تازہ صورتحال، پاکستان ترکیہ تعلقات اور اہم علاقائی امور پر تبادلہ خیال کیا۔
Deputy Prime Minister/Foreign Minister Senator Mohammad Ishaq Dar @MIshaqDar50 held a telephone conversation with Turkish Foreign Minister Hakan Fidan.
The two leaders welcomed the recent understandings reached between the United States and Iran and exchanged views on the… pic.twitter.com/PCj0FgLUAT
— Ministry of Foreign Affairs – Pakistan (@ForeignOfficePk) June 17, 2026
گفتگو کے دوران دونوں وزرائے خارجہ نے امریکا اور ایران کے درمیان حالیہ پیشرفت اور باہمی مفاہمت کا خیرمقدم کیا، جبکہ 19 جون 2026 کو سوئٹزرلینڈ کے شہر برگن اسٹاک میں مفاہمتی یادداشت (ایم او یو) پر دستخط کی متوقع تقریب سے متعلق بھی خیالات کا تبادلہ کیا۔
اس موقع پر رواں ماہ کے آخر میں ہونے والے ریجنل فور ممالک کے وزرائے خارجہ کے اجلاس کی تیاریوں پر بھی تفصیلی گفتگو کی گئی۔
دونوں رہنماؤں نے پاکستان اور ترکیہ کے دوطرفہ تعلقات کا جائزہ لیتے ہوئے برادرانہ روابط کو مزید مضبوط بنانے کے عزم کا اعادہ کیا اور باہمی تعاون کو مختلف شعبوں میں مزید وسعت دینے پر اتفاق کیا۔
