وزیراعظم پاکستان شہباز شریف نے قومی اسمبلی میں خطاب کے دوران کہا ہے کہ عالمی منڈی میں تیل کی قیمتوں میں کمی کے بعد پاکستان میں بھی پیٹرولیم مصنوعات کی قیمتوں میں واضح کمی کی جا رہی ہے، جس کا فائدہ براہِ راست عوام کو منتقل کیا جائے گا۔
Addressing the National Assembly, Prime Minister Shehbaz Sharif said Pakistan's diplomatic efforts have earned global recognition and widespread international appreciation. He highlighted the country's growing stature on the world stage and praised Field Marshal Syed Asim Munir… pic.twitter.com/nk9Be13gEd
— Pakistan TV (@PakTVGlobal) June 19, 2026
وزیراعظم شہباز شریف نے کہا کہ حالیہ دنوں میں جنگ بندی اور خطے میں کشیدگی میں کمی کے بعد عالمی سطح پر تیل کی قیمتوں میں واضح کمی دیکھنے میں آئی ہے۔ انہوں نے بتایا کہ گزشتہ 48 گھنٹوں کے دوران خام تیل کی قیمتوں میں خاطر خواہ کمی ریکارڈ کی گئی ہے۔
انہوں نے کہا کہ حکومت نے ہمیشہ وعدہ کیا ہے کہ جب بھی عالمی منڈی میں قیمتیں کم ہوں گی تو اس کا پورا فائدہ عوام تک پہنچایا جائے گا، اور اسی اصول کے تحت پیٹرولیم مصنوعات کی قیمتوں میں کمی کا فیصلہ کیا گیا ہے۔
یہ بھی پڑھیں:پیٹرول کی طلب میں کمی، قیمتوں میں کمی کی امیدیں بڑھ گئیں
وزیراعظم نے کہا کہ پٹرولیم قیمتوں کا باقاعدہ جائزہ لیا جا رہا ہے اور آئندہ بھی عالمی مارکیٹ کے رجحانات کے مطابق عوام کو ریلیف دینے کا سلسلہ جاری رہے گا۔ انہوں نے کہا کہ حکومت کی کوشش ہے کہ مہنگائی کے دباؤ کو کم سے کم کیا جائے اور عوامی ریلیف کو یقینی بنایا جائے۔
