سوشل میڈیا پلیٹ فارم ’ایکس‘ پر ایک پوسٹ وائرل ہو گئی ہے جس میں سابق اسرائیلی کنیسٹ رکن موشے فیگلن سے منسوب ایک انتہائی متنازع بیان سامنے آیا ہے، جس میں مبینہ طور پر ہٹلر کا حوالہ دیتے ہوئے غزہ سے متعلق سخت الفاظ شامل ہیں۔ تاہم اس دعوے کی آزاد ذرائع سے فوری طور پر تصدیق نہیں ہو سکی۔
⚡🇮🇱 SHOCKING: Former Israeli Knesset member Moshe Feiglin quotes Hitler saying:
"Just as Hitler pledged to eliminate every Jew and said he could not live as long as one Jew remained, I say: we cannot live in this land as long as one Muslim remains in Gaza. They must be… pic.twitter.com/Op7bUzp2H7
— China in English (@En_chinaNewsX) June 19, 2026
وائرل پوسٹ میں دعویٰ کیا گیا ہے کہ موشے فیگلن نے ہٹلر کے حوالے سے تقابلی جملہ استعمال کرتے ہوئے غزہ کے بارے میں انتہائی سخت نوعیت کے خیالات کا اظہار کیا، جس کے بعد سوشل میڈیا پر شدید ردعمل دیکھنے میں آ رہا ہے۔
موشے فیگلن نے مبینہ طور پر ہٹلر کا حوالہ دیتے ہوئے کہا کہ جس طرح ہٹلر نے یہودیوں کے خاتمے کا عزم ظاہر کیا تھا، اسی طرح غزہ کے حوالے سے ایک متنازع مؤقف پیش کیا گیا۔
موشے فیگلن نے کہا کہ ’ہم اس سرزمین میں اس وقت تک نہیں رہ سکتے جب تک غزہ میں ایک بھی مسلمان موجود ہے۔ انہیں ختم کر دینا چاہیے‘۔
یہ بھی پڑھیں:لبنان پر اسرائیلی حملے جاری، 32 افراد ہلاک، امریکا ایران مذاکرات کو سنگین خطرہ لاحق
یہ بیان وائرل ہونے کے بعد مختلف حلقوں کی جانب سے شدید ردعمل سامنے آیا ہے، تاہم اب تک کسی معتبر بین الاقوامی خبر رساں ادارے یا سرکاری سطح پر اس کی تصدیق نہیں ہو سکی۔
دوسری جانب موشے فیگلن کی جانب سے اس حوالے سے کوئی باضابطہ وضاحت یا تردید سامنے نہیں آئی ہے۔
