خادمِ حرمین شریفین شاہ سلمان بن عبدالعزیز نے اپنی ذاتی سرپرستی اور خرچ پر دنیا بھر سے ایک ہزار مرد و خواتین عمرہ زائرین کی میزبانی کی منظوری دے دی ہے۔
یہ اقدام ’خادمِ حرمین شریفین کے حج، عمرہ اور زیارت پروگرام برائے مہمانان‘ کے تحت کیا جائے گا، جس پر عمل درآمد وزارتِ اسلامی امور، دعوت و ارشاد کرے گی۔
یہ بھی پڑھیں: شاہ سلمان کی قیادت میں سعودی عرب کا روشن سفر، 10 سالہ حکمرانی کا سنگ میل
1448 ہجری کے دوران 4 مراحل میں مکمل کیے جانے والے اس پروگرام کے پہلے مرحلے میں 16 ایشیائی ممالک سے تعلق رکھنے والے 250 عمرہ زائرین شامل ہوں گے۔
ان ممالک میں انڈونیشیا، مشرقی تیمور، فلپائن، ملائیشیا، کمبوڈیا، تھائی لینڈ، ویتنام، میانمار، لاؤس، سنگاپور، چین، جاپان، کوریا، ہانگ کانگ، تائیوان اور منگولیا شامل ہیں۔
The Custodian of the Two Holy Mosques has ordered hosting 1,000 male and female Umrah pilgrims from 16 countries under the Guests Program for Hajj, Umrah, and Visit for the year 1448 AH.
The program will be implemented in four batches throughout the year. The first group… pic.twitter.com/txjZmr6VqN
— Saudi Expatriates (@saudiexpat) June 23, 2026
اس موقع پر وزیرِ اسلامی امور، دعوت و ارشاد اور پروگرام کے جنرل سپروائزر شیخ عبداللطیف آل الشیخ نے شاہ سلمان اور ولی عہد شہزادہ محمد بن سلمان کا شکریہ ادا کیا ہے۔
ان کے مطابق سعودی قیادت اسلام اور مسلمانوں کی خدمت کے لیے مسلسل کوشاں ہے اور دنیا بھر کے مسلمانوں کو عمرہ اور مقدس مقامات کی زیارت کے مواقع آسانی اور اطمینان کے ساتھ فراہم کرنے کے لیے بھرپور اقدامات کر رہی ہے۔
مزید پڑھیں: سعودی امدادی مرکز کی عالمی انسانیت دوست خدمات سے ہزاروں افراد مستفید
شیخ عبداللطیف آل الشیخ نے کہا کہ یہ اقدام مسلم اقوام کے درمیان اخوت اور یکجہتی کے رشتوں کو مضبوط بنانے کے لیے سعودی قیادت کے عزم کی عکاسی کرتا ہے۔
انہوں نے مزید کہا کہ یہ پروگرام مملکت کے انسانی اور دینی مشن کو اجاگر کرتا ہے، جس کا مقصد دنیا بھر کی مسلم برادریوں کے علما، دینی شخصیات اور بااثر افراد کے ساتھ رابطوں اور تعاون کو فروغ دینا ہے۔
