بنگلہ دیش کرکٹ بورڈ (بی سی بی) ایک نئے تنازع کا شکار ہو گیا ہے، جہاں بورڈ کے سابق صدر نے انٹرنیشنل کرکٹ کونسل (آئی سی سی) سے بنگلہ دیشی بورڈ کی مالی معاونت روکنے کا مطالبہ کر دیا ہے۔
بنگلہ دیشی میڈیا کے مطابق سابق بی سی بی صدر نے آئی سی سی سے مطالبہ کیا ہے کہ وہ بنگلہ دیش کرکٹ بورڈ کو ملنے والی فنڈنگ کا جائزہ لے اور اسے فوری طور پر روک دے۔
یہ بھی پڑھیں:بی سی بی کیساتھ مثبت ملاقاتیں، پاکستان تمام بڑی ٹیموں کیساتھ کھیلنے کا خواہاں ہے، محسن نقوی
رپورٹس کے مطابق سابق عہدیدار نے موقف اختیار کیا ہے کہ موجودہ حالات میں بورڈ کے مالی معاملات اور انتظامی امور پر سوالات اٹھ رہے ہیں، اس لیے آئی سی سی کو مداخلت کرنی چاہیے۔
بنگلہ دیش کرکٹ بورڈ کو آئی سی سی کی جانب سے سالانہ بنیادوں پر مالی معاونت فراہم کی جاتی ہے، جو کرکٹ کے فروغ، کھلاڑیوں کی تربیت اور انتظامی امور پر خرچ ہوتی ہے۔
🚨 FRESH TWIST AT THE BCB! ⚠️
Former BCB president Aminul Islam Bulbul has reportedly asked the ICC to freeze funding for the Bangladesh Cricket Board, questioning the legality of the current board and seeking his own reinstatement as president .
The BCB has acknowledged… pic.twitter.com/kaolNnMQUX
— Clutch Sports (@Hammad1326025) June 26, 2026
سابق صدر کا کہنا ہے کہ فنڈز کے استعمال اور بورڈ کے فیصلوں میں شفافیت کو یقینی بنانا ضروری ہے۔ انہوں نے آئی سی سی سے مطالبہ کیا کہ وہ صورتحال کا جائزہ لے کر مناسب اقدامات کرے۔
دوسری جانب بنگلہ دیش کرکٹ بورڈ سے وابستہ حکام نے ان الزامات پر اپنا مؤقف پیش کرنے کے لیے مزید تفصیلات کا انتظار کرنے کا کہا ہے۔
بنگلہ دیشی کرکٹ میں انتظامی معاملات پر اختلافات پہلے بھی سامنے آتے رہے ہیں، تاہم ماہرین کے مطابق آئی سی سی عام طور پر رکن ممالک کے بورڈز کے معاملات میں براہ راست مداخلت سے گریز کرتی ہے اور صرف آئینی یا گورننس سے متعلق سنگین مسائل میں کردار ادا کرتی ہے۔
یہ معاملہ ایسے وقت میں سامنے آیا ہے جب بنگلہ دیش کرکٹ ٹیم بین الاقوامی مقابلوں میں اپنی کارکردگی بہتر بنانے اور آئندہ بڑے ایونٹس کی تیاریوں میں مصروف ہے۔
