نائب وزیراعظم و وزیر خارجہ سینیٹر اسحاق ڈار اور سعودی وزیر خارجہ فیصل بن فرحان کے درمیان ٹیلیفونک رابطہ ہوا ہے۔
ترجمان دفتر خارجہ کے مطابق دونوں رہنماؤں نے خطے کی حالیہ پیشرفت پر تفصیلی تبادلہ خیال کیا اور بدلتی ہوئی صورتحال پر گہری تشویش کا اظہار کیا۔
Deputy Prime Minister/Foreign Minister Senator Mohammad Ishaq Dar @MIshaqDar50 held a telephonic conversation today with His Highness Prince Faisal bin Farhan Al Saud, Foreign Minister of the Kingdom of Saudi Arabia. @FaisalbinFarhan
DPM/FM expressed sincere condolences on… pic.twitter.com/eWxhl5ZRj8
— Ministry of Foreign Affairs – Pakistan (@ForeignOfficePk) June 28, 2026
نائب وزیراعظم اور وزیر خارجہ اسحاق ڈار نے اسلام آباد مفاہمتی یادداشت کے تحت خطے میں امن کے قیام کے لیے پاکستان کی کوششیں جاری رکھنے کے عزم کا اعادہ کیا۔
اس موقع پر سعودی وزیر خارجہ شہزادہ فیصل بن فرحان نے یہ بھی بتایا کہ وہ باہمی طور پر مناسب تاریخوں پر جلد پاکستان کا دورہ کرنے کا ارادہ رکھتے ہیں۔
نائب وزیراعظم اور وزیر خارجہ اسحاق ڈار نے سعودی وزیر خارجہ کے دورہ پاکستان کا خیرمقدم کیا اور امید ظاہر کی کہ یہ دورہ جلد ممکن ہوگا۔
اس موقع پر اسحاق ڈار نے وزیراعظم شہباز شریف، چیف آف ڈیفنس فورسز، فیلڈ مارشل سید عاصم منیر، حکومت پاکستان اور پاکستانی عوام کی طرف سے سعودی عرب میں ہیلی کاپٹر حادثے کے افسوسناک واقعے پر دلی تعزیت کا اظہار کیا، جس کے نتیجے میں 14 قیمتی جانوں کا ضیاع ہوا۔
شہزادہ فیصل بن فرحان نے نائب وزیراعظم اور وزیر خارجہ اسحاق ڈار کا شکریہ ادا کیا اور اس برادرانہ جذبے کو سراہا۔
