وفاقی دارالحکومت اسلام آباد میں اڈیالہ جیل کی پریزن وین سے 14 قیدی فرار ہونے کا واقعہ پیش آیا ہے، جس کے بعد پولیس نے فوری کارروائی کرتے ہوئے 4 قیدیوں کو دوبارہ گرفتار کرلیا ہے، جبکہ باقی 10 مفرور قیدیوں کی تلاش کے لیے سرچ آپریشن جاری ہے۔
میڈیا رپورٹس کے مطابق اڈیالہ جیل کی پریزن وین میں مجموعی طور پر 34 قیدی سوار تھے، جنہیں واپس جیل منتقل کیا جا رہا تھا۔
اسی دوران اسلام آباد کے علاقے چکیاں اسٹاپ کے قریب 14 قیدی پراسرار طور پر وین سے فرار ہونے میں کامیاب ہوگئے۔
واقعے کی اطلاع ملتے ہی پولیس نے کارروائی کرتے ہوئے 4 فرار ہونے والے قیدیوں کو دوبارہ حراست میں لے لیا، جبکہ باقی 10 قیدی تاحال مفرور ہیں۔
پولیس حکام کے مطابق مفرور قیدیوں کی گرفتاری کے لیے مختلف علاقوں میں تلاش کا عمل جاری ہے اور انہیں جلد گرفتار کرنے کے لیے کوششیں تیز کردی گئی ہیں۔
