خانہ کعبہ کو آج غسل دینے کی سالانہ روح پرور تقریب 3 بنیادی مراحل میں انجام دی جائے گی، جس کے لیے تمام تیاریاں انتہائی احتیاط اور باریک بینی سے مکمل کر لی گئی ہیں۔
یہ بھی پڑھیں: خانہ کعبہ کے اوپر سورج کا نایاب عمودی ظہور، قبلہ رخ معلوم کرنے کا منفرد موقع
حرمین شریفین کی دیکھ بھال کرنے والی جنرل اتھارٹی کے مطابق غسلِ کعبہ کا عمل 3 مراحل پر مشتمل ہوگا، جن میں تیاری، غسل اور بعد ازاں خوشبو و بخور سے معطر کرنا شامل ہے۔
How the security circle forms around the Ka’bah for the washing ceremony (Ghusl Ka’bah) 🕋 pic.twitter.com/wXr0LisRij
— The Holy Mosques (@theholymosques) June 30, 2026
یہ تمام مراحل خانہ کعبہ کے تقدس اور مسلمانوں کے دلوں میں اس کے عظیم مقام کے شایانِ شان انتہائی اہتمام کے ساتھ انجام دیے جائیں گے۔
اتھارٹی کے مطابق تقریب کے لیے 15 لیٹر آبِ زمزم، 15 لیٹر عرقِ گلاب، 15 لیٹر گلاب کا تیل اور 100 ملی لیٹر عود کا تیل تیار کیا گیا ہے، جنہیں غسل اور خوشبو کے مراحل میں استعمال کیا جائے گا۔
مزید پڑھیں: خانہ کعبہ کی تاریخ کو واضح کرتے 13 حصے کون سے ہیں؟
حرمین شریفین انتظامیہ کا کہنا ہے کہ اس عالمی مذہبی تقریب میں استعمال ہونے والا تمام سامان پیشگی طور پر جدید ترین معیار اور اعلیٰ سروس سسٹمز کے مطابق تیار کیا گیا ہے تاکہ غسلِ کعبہ کا عمل نہایت منظم، محفوظ اور باوقار انداز میں مکمل کیا جا سکے۔
