الیکشن کمیشن آزاد کشمیر نے انتخابی شیڈول میں ترمیم کا باضابطہ نوٹیفکیشن جاری کر دیا ہے جس کے تحت انتخابی عمل کے مختلف مراحل میں ایک ایک روز کی توسیع کر دی گئی ہے۔
یہ بھی پڑھیں: آزاد کشمیر میں آئندہ حکومت استحکام پاکستان پارٹی کی ہوگی، تنویر الیاس کا دعویٰ
نئے شیڈول کے مطابق امیدواروں کے کاغذات نامزدگی واپس لینے کی آخری تاریخ 4 جولائی مقرر کی گئی ہے جبکہ حتمی امیدواروں کی فہرست اب 5 جولائی کو جاری کی جائے گی۔
انتخابی نشانات کی الاٹمنٹ 6 جولائی کو ہوگی اسی روز حتمی امیدواروں کی فہرست بھی جاری کر دی جائے گی۔
نوٹیفکیشن کے مطابق پولنگ حتمی فہرست کے اجرا کے 21 روز بعد منعقد کی جائے گی۔
انتخابی عمل کے اہم مراحل کی نظرثانی شدہ تاریخوں سے متعلق باضابطہ اعلان کر دیا گیا ہے جبکہ اسسٹنٹ الیکشن کمشنر میرپور ذیشان خلیل نے نئے شیڈول سے آگاہ کیا۔
مزید پڑھیے: چیف الیکشن کمشنر آزاد کشمیر نے پیپلز پارٹی کی انتخابات ملتوی کرنے کی درخواست مسترد کردی
آزاد کشمیر میں عام انتخابات کے حوالے سے امیدواروں کے لیے نظرثانی شدہ ٹائم لائن جاری کر دی گئی ہے۔
