شارجہ سے کراچی آنے والا کے ٹو ایئرویز کا کارگو طیارہ بلوچستان کے ساحلی علاقے اورماڑا کے قریب سمندر میں گر کر تباہ ہوگیا، جس کے نتیجے میں پائلٹ سمیت عملے کے تمام 5 افراد جاں بحق ہوگئے۔
حادثے میں جاں بحق ہونے والوں میں پائلٹ محمد رضوان ادریس، معاون پائلٹ فیصل جتوئی، انجینئرز محمد حامد اور محمد عارف صدیقی جبکہ لوڈ ماسٹر محمد توفیق خان شامل ہیں۔
یہ بھی پڑھیں: شارجہ سے کراچی آنے والا پاکستانی کارگو کمپنی کا طیارہ لاپتا، تلاش کا عمل شروع
پاکستان ایئرپورٹس اتھارٹی کے مطابق کے ٹوایئرویز کا بی 737 کارگو طیارہ شارجہ سے کراچی آرہا تھا کہ پاکستان کے معیاری وقت کے مطابق رات 9 بج کر 18 منٹ پر پائلٹ نے نیوی گیشن سسٹم میں خرابی کی اطلاع دی۔
⚠️ BREAKING: Boeing 737-400 cargo flight KTA1732 (B734 / AP-BOI) missing off the Karachi coast, Pakistan.
Aircraft with 5 crew from Sharjah, UAE, lost radar contact over the Arabian Sea after reporting nav failure at 9:18 PM.
K2 Airways – AP-BOI – Plane Crash pic.twitter.com/jPTaI7SGNQ
— GeoTechWar (@geotechwar) July 7, 2026
جس پر کراچی ایریا کنٹرول سینٹر نے طیارے کی رہنمائی شروع کی۔ تاہم رات 9 بج کر 21 منٹ پر ریڈار پر طیارہ تیزی سے نیچے آتا اور اپنا رخ تبدیل کرتا دکھائی دیا، جبکہ رات 9 بج کر 32 منٹ پر اورماڑا کے قریب سمندر کے اوپر اس کا فضائی کنٹرول سے رابطہ مکمل طور پر منقطع ہوگیا۔
ایوی ایشن حکام کے مطابق طیارہ کراچی سے تقریباً 300 کلومیٹر دور اور اورماڑا کی سمندری حدود میں، کراچی سے تقریباً 130 ناٹیکل میل کے فاصلے پر فنی خرابی کے باعث سمندر میں گر کر تباہ ہوا۔
The last radio transmission of the K2 Cargo plane that crashed in the sea west of Karachi….as an aviator it is absolutely heart breaking…. pic.twitter.com/4rUZNU1TnX
— Fakhr-e-Alam S.I & S.E (@falamb3) July 8, 2026
رابطہ منقطع ہونے کے فوراً بعد پاکستان نیوی، پاکستان ایئر فورس اور پاکستان کوسٹ گارڈز نے مشترکہ سرچ اینڈ ریسکیو آپریشن شروع کردیا، جس کے بعد طیارے کے حادثے اور عملے کے تمام 5 افراد کے جاں بحق ہونے کی تصدیق کردی گئی۔
متعلقہ حکام نے حادثے کی تحقیقات کا آغاز کر دیا ہے تاکہ طیارہ گرنے کی وجوہات کا تعین کیا جا سکے۔
