پاکستان اور امریکا کے درمیان باہمی تجارت کے معاہدے سے متعلق مذاکرات آج ( بروز جمعرات) اور کل (بروز جمعہ) واشنگٹن ڈی سی میں جاری رہیں گے۔
یہ بھی پڑھیں: پاکستان خطے میں اہم شراکت دار ہے، تجارت اور سیکیورٹی تعاون بڑھا رہے ہیں، امریکا
ترجمان دفتر خارجہ طاہر اندرابی کے مطابق پاکستانی وفد کی قیادت سیکریٹری تجارت جواد پال کررہے ہیں، جبکہ وفد میں ترجمان دفتر خارجہ اور دیگر متعلقہ حکام بھی شامل ہیں۔
انہوں نے بتایا کہ مذاکرات میں مختلف متعلقہ وزارتوں کے نمائندگان بھی آن لائن ورچوئل پلیٹ فارم کے ذریعے شریک ہوں گے۔
یہ بھی پڑھیں: امریکا کو پاکستانی برآمدات میں 10 فیصد اضافہ، تجارتی سرپلس 4 ارب ڈالر سے زیادہ
ترجمان دفتر خارجہ کے مطابق مذاکرات کا مقصد پاکستان اور امریکا کے درمیان تجارتی تعلقات کو مزید فروغ دینا، باہمی تجارت میں سہولت کاری بڑھانا اور دوطرفہ اقتصادی تعاون کے نئے مواقع تلاش کرنا ہے۔
