فرانس کے سپر اسٹار کائلیان ایمباپے نے مراکش کے خلاف کوارٹر فائنل میں گول کرکے فیفا ورلڈ کپ 2026 میں اپنے گولوں کی تعداد 8 کر دی اور گولڈن بوٹ کی دوڑ میں ارجنٹائن کے لیونل میسی کی برابری کے باوجود پہلی پوزیشن برقرار رکھی۔
فرانس نے کوارٹر فائنل میں مراکش کو 0-2 سے شکست دے کر سیمی فائنل کے لیے کوالیفائی کر لیا۔ میچ میں ایمباپے نے 60ویں منٹ میں شاندار گول کرکے اپنی ٹیم کو برتری دلائی، جبکہ صرف 6 منٹ بعد عثمان ڈیمبیلے نے دوسرا گول کرکے فتح یقینی بنا دی۔
The race for the Golden Boot is heating up! 🔥 pic.twitter.com/FEoZokrHeR
— BBC Sport (@BBCSport) July 9, 2026
مزید پڑھیں:ایمباپے کی شاندار واپسی، فرانس نے مراکش کو 2-0 سے ہرا کر سیمی فائنل میں جگہ بنا لی
ایمباپے اور میسی دونوں نے ٹورنامنٹ میں 8، آٹھ گول کیے ہیں، تاہم فیفا کے گولڈن بوٹ قوانین کے مطابق اگر 2 کھلاڑیوں کے گول برابر ہوں تو زیادہ اسسٹ کرنے والے کھلاڑی کو برتری حاصل ہوتی ہے۔ اس معیار پر ایمباپے 3 اسسٹ کے ساتھ میسی سے آگے ہیں، جبکہ میسی کے نام صرف ایک اسسٹ ہے۔ اس طرح ایمباپے ٹورنامنٹ میں 11 جبکہ میسی 9 گولز میں براہِ راست کردار ادا کر چکے ہیں۔
اگر گول اور اسسٹ دونوں برابر ہوں تو پھر ایوارڈ کا فیصلہ اس کھلاڑی کے حق میں کیا جاتا ہے جس نے کم منٹس کھیل رکھے ہوں۔
کوارٹر فائنل میں فرانس نے آغاز ہی سے کھیل پر مکمل گرفت قائم رکھی اور مراکش کو صرف ایک ہی شاٹ ہدف پر لگانے کا موقع دیا۔ پہلے ہاف میں ایمباپے کو پنالٹی بھی ملی، تاہم مراکشی گول کیپر یاسین بونو نے وی اے آر جائزے کے بعد لی گئی پنالٹی کو ناکام بنا دیا۔
Le but de Mbappé vu des tribunes est juste fou c’est juste sa compétition il est injouable pic.twitter.com/4bgNe9LMbr
— 88’ (@Corrompu__) July 9, 2026
دوسرے ہاف میں ایمباپے نے پنالٹی ایریا کے باہر سے خوبصورت شاٹ پر گول کرکے جمود توڑا۔ یہ ان کے بین الاقوامی کیریئر کا 64واں گول تھا، جبکہ ورلڈ کپ میں ان کے مجموعی گولوں کی تعداد 20 ہو گئی، جو میسی کے 21 ورلڈ کپ گولوں سے صرف ایک کم ہے۔
مزید پڑھیں:ورلڈ کپ 2026: مراکش کو بڑا دھچکا، اسماعیل صیباری فرانس کے خلاف کوارٹر فائنل سے باہر
بعد ازاں موجودہ بیلن ڈی اور فاتح عثمان ڈیمبیلے نے 66ویں منٹ میں اپنا 5واں ٹورنامنٹ گول کرکے فرانس کی کامیابی پر مہر ثبت کر دی۔
فرانس اب سیمی فائنل میں اسپین اور بیلجیم کے درمیان ہونے والے کوارٹر فائنل کے فاتح کا سامنا کرے گا، جبکہ ایمباپے گولڈن بوٹ کے مضبوط ترین امیدوار کے طور پر اپنی برتری برقرار رکھے ہوئے ہیں۔
