سعودی ولی عہد و وزیراعظم شہزادہ محمد بن سلمان اور امریکی صدر ڈونلڈ ٹرمپ نے ٹیلیفون پر رابطہ کرکے دوطرفہ تعلقات، خلیجی سلامتی، سمندری راستوں کے تحفظ اور امریکا و ایران کے درمیان جاری رابطوں پر تبادلہ خیال کیا۔
مزید پڑھیں:نیٹو سربراہی اجلاس، صرف 48 گھنٹوں میں امریکی صدر ڈونلڈ ٹرمپ نے عالمی سفارت کاری کا رخ بدل دیا
سعودی خبر رساں ایجنسی (SPA) کے مطابق دونوں رہنماؤں نے بین الاقوامی بحری گزرگاہوں کے تحفظ، جہاز رانی کی آزادی اور خطے میں امن و استحکام کے فروغ کی ضرورت پر زور دیا۔ اس دوران واشنگٹن اور تہران کے درمیان جاری سفارتی رابطوں پر بھی گفتگو ہوئی۔
دوسری جانب سعودی وزیر خارجہ شہزادہ فیصل بن فرحان نے بھی امریکی وزیر خارجہ مارکو روبیو سے ٹیلیفونک رابطہ کیا، جس میں خطے میں امن و استحکام کے لیے باہمی رابطوں اور مشاورت جاری رکھنے پر اتفاق کیا گیا۔
مزید پڑھیں:کسی صورت ایٹم بم نہیں بنانے دیں گے، ڈونلڈ ٹرمپ کی آج رات ایران پر بڑے حملے کی دھمکی
یہ رابطے امریکا اور ایران کے درمیان حالیہ کشیدگی میں اضافے کے بعد ہوئے ہیں۔ سعودی عرب نے ایک بار پھر تحمل، مذاکرات اور سفارتی حل کی حمایت کرتے ہوئے آبنائے ہرمز سمیت اہم عالمی بحری راستوں کے تحفظ پر زور دیا۔
