امریکی ریاست جنوبی کیرولائنا سے تعلق رکھنے والے ریپبلکن سینیٹر لنڈسے گراہم 71 برس کی عمر میں مختصر اور اچانک علالت کے بعد انتقال کر گئے۔ ان کے دفتر کے کمیونیکیشنز ڈائریکٹر نے اتوار کی صبح سوشل میڈیا پلیٹ فارم ایکس پر ان کے انتقال کی تصدیق کی۔
مزید پڑھیں:انتخابات سے قبل ٹرمپ انتظامیہ نے الیکشن کمیشن کو بائی پاس کرنے کی کوشش کی، رائٹرز کا دعویٰ
لنڈسے گراہم 2002 سے امریکی سینیٹ کے رکن تھے، جبکہ اس سے قبل وہ 1994 میں جنوبی کیرولائنا کے تیسرے کانگریشنل ضلع سے امریکی ایوانِ نمائندگان کے رکن منتخب ہوئے تھے۔
اپنے سیاسی کیریئر کے ابتدائی دور میں گراہم امریکی صدر ڈونلڈ ٹرمپ کے سخت ناقد سمجھے جاتے تھے، تاہم بعد ازاں وہ ٹرمپ کے قریبی سیاسی اتحادیوں میں شامل ہو گئے اور کانگریس میں ان کے مضبوط حامی کے طور پر جانے گئے۔
صدر ڈونلڈ ٹرمپ نے سوشل میڈیا پلیٹ فارم ٹروتھ سوشل پر اظہارِ افسوس کرتے ہوئے کہا کہ لنڈسے گراہم ان عظیم ترین افراد اور سینیٹرز میں سے ایک تھے جنہیں وہ جانتے تھے۔ انہوں نے کہا کہ گراہم ایک سچے امریکی محبِ وطن تھے اور ان کی کمی ہمیشہ محسوس کی جائے گی۔
لنڈسے گراہم قومی سلامتی اور دفاعی امور پر سخت مؤقف رکھنے والے رہنما تھے۔ وہ سینیٹ کی بجٹ کمیٹی کے چیئرمین بھی رہے، جبکہ سینیٹ کی اپروپری ایشنز، جوڈیشری اور ماحولیات و پبلک ورکس کمیٹیوں کے بھی رکن تھے۔
Statement from the Office of U.S. Senator Lindsey Graham (R-South Carolina). pic.twitter.com/CQ5yVvqTH1
— Lindsey Graham (@LindseyGrahamSC) July 12, 2026
مزید پڑھیں: ’ہر ٹیسٹ میں مکمل نمبر حاصل کیے‘، ٹرمپ کا ایک بار پھر اپنی صحت اور ذہنی صلاحیت کی بہتری کا دعویٰ
وہ اسرائیل کے مضبوط حامی سمجھے جاتے تھے اور ایران کے خلاف امریکی و اسرائیلی پالیسیوں کی بھی کھل کر حمایت کرتے رہے۔
اسرائیلی صدر اسحاق ہرزوگ نے گراہم کے انتقال پر گہرے دکھ کا اظہار کرتے ہوئے انہیں امریکا اور اسرائیل کے تعلقات کا مضبوط حامی قرار دیا۔ انہوں نے کہا کہ اسرائیلی عوام لنڈسے گراہم کی خدمات کو ہمیشہ یاد رکھیں گے۔
The last meeting of Senator Lindsay Graham was in Ukraine with Zelenskyy. He died just hours after returning from Ukraine with sudden cardiac arrest.
Senator Graham was a trusted ally of President Trump and great supporter of Israel during Iran war. pic.twitter.com/3dhpE0Ua0T— Dr Shama Junejo (@ShamaJunejo) July 12, 2026
لنڈسے گراہم غیر شادی شدہ تھے اور جنوبی کیرولائنا کے شہر سینیکا میں مقیم تھے۔
