امریکی صدر ڈونلڈ ٹرمپ نے ایک بار پھر اپنی جسمانی صحت اور ذہنی صلاحیت کو بہترین قرار دیتے ہوئے کہا ہے کہ انہوں نے والٹر ریڈ نیشنل ملٹری میڈیکل سینٹر میں ہونے والے طبی معائنے کے دوران ایک اور ادراکی (کگنیٹو) ٹیسٹ بھی دیا، جس میں تمام سوالوں کے درست جواب دیے۔ وائٹ ہاؤس نے واضح کیا ہے کہ ٹرمپ اپنے مئی میں ہونے والے طبی معائنے کا حوالہ دے رہے تھے۔
امریکی صدر ڈونلڈ ٹرمپ نے سوشل میڈیا پر جاری بیان میں دعویٰ کیا ہے کہ انہوں نے والٹر ریڈ نیشنل ملٹری میڈیکل سینٹر میں اپنا طبی معائنہ مکمل کیا اور ایک مرتبہ پھر ادراکی (کگنیٹو) ٹیسٹ بھی دیا، جس میں وہ مکمل کامیاب رہے۔
US President Trump announced that he underwent a health check at Walter Reed Hospital.
"My physical examination went flawlessly, and I completed my third cognitive test with a perfect score," he said.
After these statements, the bruises on Trump's neck and hand became a topic pic.twitter.com/WVkEtb1gdJ
— Q 17 (PATRIOTS) (@Q17_patriots_1) July 11, 2026
ٹرمپ نے اپنی پوسٹ میں کہا کہ وہ ہر 6 ماہ بعد طبی معائنہ کرواتے ہیں اور اس بار بھی انہوں نے اپنی درخواست پر ایک اور کگنیٹو ٹیسٹ دیا۔ ان کے بقول وہ ایسے واحد امریکی صدر ہیں جنہوں نے یہ ٹیسٹ 3 مرتبہ دیا اور ہر مرتبہ تمام سوالوں کے درست جواب دیے۔
بعد ازاں وائٹ ہاؤس نے وضاحت کی کہ صدر ٹرمپ اپنی مئی 2026 میں ہونے والی طبی جانچ کا حوالہ دے رہے تھے، جس کے بعد سرکاری بیان میں انہیں ’بہترین صحت‘ کا حامل قرار دیا گیا تھا۔
یہ بھی پڑھیں:امریکی صدر ٹرمپ کا طبی معائنہ: کام کے لیے ِفٹ قرار، صحت بہترین، وزن کم کرنے کا مشورہ
ٹرمپ نے یہ دعویٰ اپنی اس سوشل میڈیا پوسٹ میں کیا جس میں انہوں نے نیویارک ٹائمز کی صحافی میگی ہیبرمین اور جوناتھن سوان کو بھی تنقید کا نشانہ بنایا۔ دونوں صحافیوں کی نئی کتاب Regime Change: Inside the Imperial Presidency of Donald Trump میں وائٹ ہاؤس کے بعض اہلکاروں کی جانب سے ٹرمپ کی عمر، جسمانی توانائی اور صحت سے متعلق خدشات کا ذکر کیا گیا ہے۔
Wow: Trump says he just finished yet another physical at Walter Reed and has requested another cognitive exam as rumors and evidence continue to pile up about his declining health and mental state. pic.twitter.com/Dd1Un8tyD9
— MeidasTouch (@MeidasTouch) July 11, 2026
80 برس کے ڈونلڈ ٹرمپ امریکی تاریخ میں منصبِ صدارت سنبھالنے والے معمر ترین صدر ہیں۔ ان کی عمر اور ذہنی و جسمانی صحت کا معاملہ امریکی سیاست میں مسلسل زیرِ بحث رہا ہے، خصوصاً سابق صدر جو بائیڈن کی ذہنی صلاحیت سے متعلق خدشات کے بعد، جن کے باعث انہوں نے 2024 کے صدارتی انتخاب کی مہم سے دستبرداری اختیار کی تھی۔
ٹرمپ اس سے قبل بھی متعدد مواقع پر اپنی ذہنی صلاحیت کے ٹیسٹ میں مکمل نمبر حاصل کرنے کا دعویٰ کرتے رہے ہیں اور کہتے ہیں کہ ان کی ذہنی اور جسمانی حالت منصبِ صدارت کی ذمہ داریاں نبھانے کے لیے مکمل طور پر موزوں ہے۔
