امریکی صدر ڈونلڈ ٹرمپ نے اسٹریٹ آف ہرمز کی دوبارہ ناکہ بندی کا اعلان کردیا ہے۔
سوشل میڈیا پلیٹ فارم ٹروتھ سوشل پر اپنے ایک بیان میں انہوں نے کہاکہ اب امریکا کو آبنائے ہرمز کے محافظ کے نام سے جانا جائےگا۔
ڈونلڈ ٹرمپ نے کہاکہ آبنائے ہرمز کھلی ہے اور ایران کی موجودگی یا عدم موجودگی سے قطع نظر کھلی رہے گی، صرف ایرانی جہازوں اور ان کے گاہکوں کو روکا جائےگا۔
امریکی صدر نے کہاکہ امریکا کو اب ’اسٹریٹ آف ہرمز‘ کے محافظ کے نام سے جانا جائے گا، اس حیثیت سے ہم آبنائے ہرمز میں سلامتی اور تحفظ کی فراہمی کی ذمہ داری نبھائیں گے۔
ڈونلڈ ٹرمپ کے مطابق انصاف کے تقاضوں کے تحت امریکا اس ذمہ داری کے عوض آبنائے ہرمز سے گزرنے والے ہر کارگو پر 20 فیصد معاوضہ وصول کرے گا، تاکہ اس حساس بحری گزرگاہ کی حفاظت پر آنے والے تمام اخراجات پورے کیے جا سکیں۔
انہوں نے مزید کہاکہ اس منصوبے پر عملدرآمد اور اس کے انتظامی ڈھانچے کی تشکیل کا عمل فوری طور پر شروع کیا جا رہا ہے۔
