کوئٹہ انٹرنیشنل ایئرپورٹ پر تربت انٹرنیشنل ایئرپورٹ سے آنے والی ساؤتھ ایئر کی افتتاحی پرواز کا روایتی واٹر کینن سلامی کے ذریعے پرتپاک استقبال کیا گیا۔
یہ بھی پڑھیں: ساؤتھ ایئر کی کراچی سے تربت، کوئٹہ، بہاولپور اور اسلام آباد کے لیے سروس شروع
افتتاحی تقریب کے مہمان خصوصی گورنر بلوچستان شیخ جعفر خان مندوخیل تھے۔ اس موقع پر رکن بلوچستان اسمبلی رحمت صالح بلوچ، صوبائی وزیر تعلیم راحیلہ حمید خان درانی اور دیگر معزز مہمان بھی شریک ہوئے۔
پرواز کی آمد کے بعد سی آئی پی لاؤنج میں کیک کاٹنے کی تقریب منعقد ہوئی جہاں کوئٹہ انٹرنیشنل ایئرپورٹ کے ایئرپورٹ منیجر نے شرکا کو ساؤتھ ایئر کے فضائی آپریشنز اور مستقبل کے منصوبوں کے حوالے سے بریفنگ دی۔
تقریب سے خطاب کرتے ہوئے گورنر بلوچستان شیخ جعفر خان مندوخیل نے ساؤتھ ایئر کی کامیابی کے لیے نیک خواہشات کا اظہار کرتے ہوئے کہا کہ نئی فضائی سروسز کے آغاز سے بلوچستان میں فضائی رابطوں کو فروغ ملے گا اور ملک کے ہوا بازی کے شعبے کی ترقی میں بھی مدد ملے گی۔
مزید پڑھیے: اسلام آباد سکھر فضائی رابطہ مزید مضبوط، ایئر سیال کی نئی پرواز کا آغاز
تقریب کے اختتام پر ساؤتھ ایئر کی افتتاحی پرواز کوئٹہ سے تربت کے راستے کراچی کے لیے روانہ ہو گئی۔
