ارجنٹینا اور اسپین کے درمیان فیفا ورلڈ کپ 2026 کے فائنل کے ٹکٹ امریکا کی تاریخ کے مہنگے ترین کھیلوں کے ٹکٹ بن گئے ہیں۔ ٹکٹوں کی اوسط ری سیل قیمت 11 ہزار ڈالر سے تجاوز کر گئی ہے، جبکہ ایک ٹکٹ کی زیادہ سے زیادہ قیمت ایک لاکھ 16 ہزار ڈالر سے بھی اوپر پہنچ گئی۔
ارجنٹینا اور اسپین کے درمیان اتوار کو نیویارک کے میٹ لائف اسٹیڈیم میں کھیلے جانے والے فیفا ورلڈ کپ 2026 کے فائنل کے ٹکٹوں نے امریکا میں کھیلوں کے مقابلوں کی قیمتوں کا نیا ریکارڈ قائم کر دیا ہے۔
GUINESS WORLD RECORD
Shane Gillis makes history with most tickets sold to a solo comedy show 🔥🔥 pic.twitter.com/zNqPNAa0Ur
— TickPick (@TickPick) July 18, 2026
ٹکٹوں کی خرید و فروخت کے پلیٹ فارم ٹک پک (ٹک پک) کے مطابق فائنل کے ٹکٹ کی اوسط ری سیل قیمت 11 ہزار 327 ڈالر تک پہنچ گئی ہے، جو 2024 کے سپر باؤل کے 9 ہزار 411 ڈالر کے سابقہ امریکی ریکارڈ سے بھی زیادہ ہے۔
رپورٹ کے مطابق فائنل کے لیے دستیاب سب سے سستا ٹکٹ 7 ہزار 451 ڈالر میں فروخت ہو رہا ہے، جبکہ دو نشستیں 28 ہزار 479 ڈالر فی ٹکٹ کے حساب سے مجموعی طور پر 56 ہزار 958 ڈالر میں فروخت کی گئیں۔
ٹک پک کے مطابق ورلڈ کپ فائنل کا سب سے مہنگا ٹکٹ ایک لاکھ 16 ہزار 462 ڈالر میں فروخت ہوا، جو امریکی کھیلوں کی تاریخ کے مہنگے ترین ٹکٹوں میں شمار کیا جا رہا ہے۔
یہ بھی پڑھیں:تمام فیفا ورلڈ کپ دیکھنے والی بزرگ مداح کو میسی کی جرسی کا تحفہ
دوسری جانب نیویارک اور نیو جرسی کی ریاستی حکام نے فیفا ورلڈ کپ 2026 کے ٹکٹوں کی فروخت، بڑھتی ہوئی قیمتوں اور فروخت کے طریقہ کار سے متعلق شکایات پر تحقیقات بھی شروع کر رکھی ہیں۔
