سپریم کورٹ نے بانی پی ٹی آئی عمران خان سے ملاقاتوں کی اجازت سے متعلق دائر درخواستوں کو سماعت کے لیے مقرر کردیا ہے۔
سپریم کورٹ کے جسٹس محمد علی مظہر کی سربراہی میں قائم 3 رکنی بینچ 20 جولائی کو درخواستوں کی سماعت کرے گا۔
درخواستیں مشال یوسفزئی اور عظمیٰ خان کی جانب سے دائر کی گئی ہیں، جن میں بانی پی ٹی آئی عمران خان سے ملاقات کی اجازت دینے کی استدعا کی گئی ہے۔
یاد رہے کہ گزشتہ سماعت کے دوران سپریم کورٹ نے معاملے پر سپرنٹنڈنٹ اڈیالہ جیل اور ایڈووکیٹ جنرل اسلام آباد کو نوٹس جاری کرتے ہوئے ان سے جواب طلب کیا تھا، جس کے بعد اب کیس دوبارہ سماعت کے لیے مقرر کر دیا گیا ہے۔
