نائب وزیراعظم و وزیر خارجہ سینیٹر محمد اسحاق ڈار نے شنگھائی تعاون تنظیم (ایس سی او) کے وزرائے خارجہ کونسل اجلاس کے موقع پر بیلاروس کے وزیر خارجہ میکسم ریژینکوف سے ملاقات کی، جس میں دونوں ممالک نے دوطرفہ تعلقات کو مزید مضبوط بنانے، اقتصادی تعاون بڑھانے اور علاقائی امن و استحکام کے لیے مشترکہ کوششیں جاری رکھنے کے عزم کا اعادہ کیا۔
کرغزستان کے شہر چولپون آتا میں شنگھائی تعاون تنظیم (ایس سی او) کے وزرائے خارجہ کونسل (سی ایف ایم) اجلاس کے موقع پر نائب وزیراعظم و وزیر خارجہ سینیٹر محمد اسحاق ڈار نے جمہوریہ بیلاروس کے وزیر خارجہ میکسم ریژینکوف سے ملاقات کی۔
Deputy Prime Minister/Foreign Minister Senator Mohammad Ishaq Dar @MIshaqDar50 met with the Minister of Foreign Affairs of the Republic of Belarus, Mr. Maxim Ryzhenkov, on the sidelines of the SCO Council of Foreign Ministers (CFM) Meeting in Cholpon-Ata.
The two sides reviewed… pic.twitter.com/sVSaJvYH6C
— Ministry of Foreign Affairs – Pakistan (@ForeignOfficePk) July 25, 2026
ملاقات میں دونوں رہنماؤں نے پاکستان اور بیلاروس کے دوطرفہ تعلقات کا جائزہ لیا اور مختلف شعبوں میں تعاون کو مزید فروغ دینے کے عزم کا اعادہ کیا۔ اس موقع پر اسلام آباد میں 11 اور 12 اگست 2026 کو ہونے والے پاکستان۔بیلاروس مشترکہ وزارتی کمیشن کے نویں اجلاس اور اعلیٰ سطح کے رابطوں کے تسلسل کی اہمیت پر بھی زور دیا گیا۔
دونوں وزرائے خارجہ نے تجارت، سرمایہ کاری، دفاع، زراعت، ٹیکنالوجی اور افرادی قوت کے تبادلے کے شعبوں میں تعاون بڑھانے کے امکانات پر تبادلہ خیال کیا، جبکہ 2025 تا 2027 کے لیے جامع تعاون کے روڈ میپ پر مؤثر عمل درآمد کے عزم کا بھی اعادہ کیا۔
یہ بھی پڑھیں:پاکستان، قازقستان اور ازبکستان کے درمیان تجارت، سرمایہ کاری اور علاقائی روابط مزید مضبوط بنانے پر اتفاق
ملاقات میں علاقائی صورتحال اور باہمی دلچسپی کے دیگر امور پر بھی گفتگو ہوئی۔ بیلاروس کے وزیر خارجہ میکسم ریژینکوف نے ایران اور امریکا کے درمیان کشیدگی کے دوران مذاکرات کی راہ ہموار کرنے میں پاکستان کے تعمیری کردار کو سراہا اور خطے میں امن و استحکام کے فروغ کے لیے پاکستان کی مسلسل سفارتی کوششوں کی تعریف کی۔
