نائب وزیراعظم و وزیر خارجہ سینیٹر اسحاق ڈار نے بیرون ملک پاکستانی سفارتی مشنز کی تنظیم نو سے متعلق قائم کمیٹی کے اجلاس کی صدارت کی، جس میں بیرون ملک پاکستانی سفارتی مشنز کی تنظیمی اور انتظامی ساخت کا تفصیلی جائزہ لینے کے بعد سفارشات کو حتمی شکل دے دی گئی۔
ترجمان دفتر خارجہ کے مطابق کمیٹی نے بیرون ملک پاکستانی سفارتی مشنز کی کارکردگی اور مؤثریت کو بہتر بنانے کے لیے ان کے انتظامی اور عملی ڈھانچے کا جامع جائزہ لیا، جس کے بعد تیار کی گئی سفارشات وزیراعظم کو منظوری کے لیے پیش کی جائیں گی۔
Deputy Prime Minister/Foreign Minister Senator Mohammad Ishaq Dar @MIshaqDar50 chaired a meeting of the Committee on Rationalization of Pakistan Missions Abroad today.
The Committee finalized its recommendations for submission to the Prime Minister following a comprehensive… pic.twitter.com/HJI4WOquhL
— Ministry of Foreign Affairs – Pakistan (@ForeignOfficePk) July 28, 2026
اقتصادی سفارت کاری پر خصوصی توجہ دینے کی ہدایت
اجلاس کے دوران نائب وزیراعظم و وزیر خارجہ اسحاق ڈار نے ہدایت کی کہ سفارشات میں بیرون ملک پاکستانی مشنز میں مختلف وزارتوں اور دفتر خارجہ کے مختلف شعبوں کے درمیان رابطہ کاری کو مزید مؤثر بنانے پر خصوصی توجہ دی جائے۔
انہوں نے اس بات پر بھی زور دیا کہ اقتصادی سفارت کاری کو مزید مضبوط بنایا جائے اور پاکستان کی خارجہ پالیسی اور اقتصادی اہداف کے فروغ کے لیے سفارتی سرگرمیوں کی مؤثریت میں اضافہ کیا جائے۔
اسحاق ڈار نے کہاکہ بیرون ملک پاکستانی سفارتی مشنز کو قومی مفادات کے تحفظ، اقتصادی مواقع کے فروغ اور پاکستان کے سفارتی روابط کو مزید مؤثر بنانے کے لیے فعال کردار ادا کرنا چاہیے۔
