کینیا کے جنوبی علاقے میں امبوسیلی نیشنل پارک کے باہر 15 ہاتھی ہلاک ہو گئے ہیں، جن کی موت کی ابتدائی وجہ قریبی کھیتوں میں کیڑے مار ادویات سے آلودہ ٹماٹر کھانا قرار دی جا رہی ہے۔
مزید پڑھیں:پوجا سے سونیا تک
کینیا وائلڈ لائف سروس (KWS) کے مطابق ابتدائی لیبارٹری تجزیے میں ہاتھیوں کے نمونوں سے سائینائیڈ کی موجودگی کے شواہد ملے ہیں۔ حکام کے مطابق 10 ہاتھیوں میں پہلے جسمانی مفلوجی کی علامات ظاہر ہوئیں اور وہ 2 روز کے اندر ہلاک ہو گئے، جبکہ 5 دیگر ہاتھی مردہ حالت میں ملے۔
Amboseli elephant deaths
KWS confirms 15 elephants died from cyanide poisoning
Elephants ingested pesticides sprayed on tomato farmsPreliminary tests reveal traces of highly toxic chemicals
Deaths recorded over the past month in the Amboseli ecosystem#JKLive pic.twitter.com/c6aVO2awos— Citizen TV Kenya (@citizentvkenya) July 29, 2026
وائلڈ لائف حکام کا کہنا ہے کہ تحقیقات جاری ہیں، تاہم فی الحال جان بوجھ کر زہر دینے کے شواہد نہیں ملے۔ حکام نے یہ بھی کہا ہے کہ ہاتھیوں کی جانب سے کھائے گئے زہریلے مادوں سے انسانوں کو فوری خطرہ لاحق نہیں۔
مزید پڑھیں: پرانی دشمی یا اتفاق : ہاتھی نے ایک ہی خاندان کا چوتھا فرد بھی تلاش کرکے ہلاک کردیا
ماہرین کے مطابق اس واقعے نے امبوسیلی نیشنل پارک کے اطراف زرعی سرگرمیوں میں اضافے پر تشویش پیدا کر دی ہے، کیونکہ خوراک اور پانی کی تلاش میں ہاتھی اکثر قریبی کھیتوں کا رخ کرتے ہیں۔ حکام کے مطابق گزشتہ کئی دہائیوں میں اس علاقے میں ایک ساتھ اتنی بڑی تعداد میں ہاتھیوں کی ہلاکت کا یہ پہلا واقعہ ہے۔
