آزاد جموں و کشمیر الیکشن کمیشن نے حلقہ ایل اے 24 پونچھ و سدھنوتی-7 (بلوچ) میں پولنگ کی تاریخ مقرر کر دی ہے۔
الیکشن کمیشن کے مطابق مذکورہ حلقے میں 10 اگست 2026 کو پولنگ ہوگی، جبکہ اسی روز پونچھ ڈویژن کے دیگر انتخابی حلقوں میں بھی ووٹنگ کا عمل مکمل کیا جائے گا۔
یہ بھی پڑھیے آزاد کشمیر: ایل اے 24 سدھنوتی کے انتخابات امیدوار کے انتقال پر ملتوی
واضح رہے کہ اس سے قبل حلقہ ایل اے 24 پونچھ و سدھنوتی-7 (بلوچ) میں آزاد امیدوار زاہد یاسین کے انتقال کے باعث انتخابی کارروائی قانون کے مطابق ختم کر دی گئی تھی، جس کے بعد اس حلقے میں پولنگ ملتوی کر دی گئی تھی۔
الیکشن کمیشن نے نئے انتخابی شیڈول کے تسلسل میں اب اس حلقے کے لیے بھی پولنگ کی تاریخ کا باضابطہ اعلان کر دیا ہے، جس کے تحت 10 اگست 2026 کو ووٹرز اپنا حقِ رائے دہی استعمال کریں گے۔
