آزاد جموں و کشمیر الیکشن کمیشن نے قانون ساز اسمبلی کے حلقہ ایل اے 24 سدھنوتی 2 بلوچ کے انتخابات ایک امیدوار کے انتقال کے باعث ملتوی کر دیے۔
یہ بھی پڑھیں: آزاد کشمیر انتخابات: ن لیگ کی مہم جاری، نواز شریف کے دورہ میرپور کا اعلان
آزاد کشمیر الیکشن کمیشن کے ترجمان کے مطابق حلقے سے امیدوار زاہد یاسین کے انتقال کے بعد ریٹرننگ افسر نے انتخابات ملتوی کرنے کی سفارش الیکشن کمیشن کو ارسال کی تھی۔
ترجمان نے بتایا کہ الیکشن کمیشن نے متعلقہ قوانین اور انتخابی قواعد و ضوابط کے مطابق ریٹرننگ افسر کی درخواست منظور کرتے ہوئے حلقہ ایل اے 24 سدھنوتی-2 بلوچ میں انتخابات ملتوی کرنے کا فیصلہ کیا۔
الیکشن کمیشن کے مطابق انتخابی قوانین کے تحت اگر کسی بھی حلقہ انتخاب میں کسی امیدوار کا انتقال ہو جائے تو اس حلقے کے انتخابات ملتوی کر دیے جاتے ہیں۔
مزید پڑھیے: آزاد کشمیر: پی ٹی آئی نے انتخابات کا بائیکاٹ کیوں کیا، 27 جولائی کو اس کا فائدہ کس پارٹی کو ہوگا؟
ترجمان کا کہنا ہے کہ ایل اے 24 سدھنوتی-2 بلوچ میں انتخابات کے انعقاد کے لیے نیا شیڈول بعد میں جاری کیا جائے گا۔
