بنگلہ دیش نے جلاوطن سابق وزیراعظم شیخ حسینہ کی نئی دہلی سے متوقع ورچوئل خطاب پر بھارت سے اپنا مؤقف واضح کرنے کا مطالبہ کرتے ہوئے خبردار کیا ہے کہ مفرور ملزمان کو بھارتی سرزمین سے سیاسی سرگرمیوں کی اجازت دینے سے دونوں ممالک کے تعلقات متاثر ہو سکتے ہیں۔
مزید پڑھیں:بنگلہ دیش نے معزول وزیراعظم شیخ حسینہ اور خاندان سے منسلک 6.2 ارب ڈالر کے اثاثے ضبط کر لیے
بنگلہ دیش کی وزیر مملکت برائے خارجہ شمع عبید اسلام نے کہا کہ ڈھاکا بھارت کے ساتھ تعلقات کو مثبت انداز میں آگے بڑھانا چاہتا ہے، تاہم شیخ حسینہ اور عوامی لیگ کے دیگر رہنماؤں کی بھارتی سرزمین سے سیاسی سرگرمیوں پر اپنے تحفظات نئی دہلی تک بارہا پہنچا چکا ہے۔
مزید پڑھیں:بنگلہ دیش کا شیخ حسینہ کی واپسی کے لیے قانونی راستہ اختیار کرنے کا اعلان
انہوں نے کہا کہ اگر ضرورت پڑی تو یہ معاملہ سفارتی ذرائع سے بھی اٹھایا جائے گا، جبکہ بھارتی وزارت خارجہ کی جانب سے تاحال اس معاملے پر کوئی ردعمل سامنے نہیں آیا ہے۔
