امریکی ریاست یوٹاہ میں شدید جنگلات کی آگ پر قابو پانے کی کارروائی کے دوران فائر فائٹنگ ہیلی کاپٹر گر کر تباہ ہوگیا، جس کے نتیجے میں پائلٹ اور عملے کا ایک رکن ہلاک ہوگیا۔ حادثے کے باوجود آگ بجھانے کا آپریشن جاری ہے اور حکام کے مطابق آگ پر 24 فیصد قابو پایا جا چکا ہے۔
الجزیرہ اور ایسوسی ایٹڈ پریس کے مطابق حادثہ جمعہ کو مقامی وقت کے مطابق صبح تقریباً 10 بجے رچ فیلڈ کے قریب تھری کریکس ریزروائر کے علاقے میں پیش آیا، جہاں ہیلی کاپٹر وائیڈماؤتھ ٹو نامی جنگلاتی آگ بجھانے میں مصروف تھا۔
SALT LAKE CITY
🌆 Memorial escort honors helicopter crew killed fighting Widemouth 2 Firefighter 🧑🚒
Aug 8,2026
The bodies of two people killed in a helicopter crash while fighting the Widemouth 2 Fire in central #Utah have been recovered.
On Friday morning, a firefighting… pic.twitter.com/Ufipxtj8iu
— Sid (@Trending_Sid) August 9, 2026
حادثے کا شکار ہونے والا سِکورسکی ایس-64 ’اسکائی کرین‘ ہیلی کاپٹر ہیلی کاپٹر ٹرانسپورٹ سروسز کے زیر انتظام تھا اور امریکی فارسٹ سروس کے لیے خدمات انجام دے رہا تھا۔
نیشنل انٹرایجنسی فائر سینٹر نے ہفتے کو دونوں اہلکاروں کی ہلاکت کی تصدیق کرتے ہوئے کہا کہ شدید آگ اور دشوار گزار پہاڑی علاقے کے باعث امدادی ٹیموں کو جائے حادثہ تک پہنچنے میں مشکلات کا سامنا رہا۔ حادثے کے ایک روز بعد دونوں لاشیں نکال لی گئیں، تاہم حکام نے ہلاک ہونے والوں کے نام جاری نہیں کیے۔
یہ بھی پڑھیں:شادی کے چند گھنٹے بعد ہیلی کاپٹر حادثہ، دولہا ہلاک، دلہن زخمی
حکام نے علاقے کے رہائشیوں کے لیے انخلا کے احکامات اور بعض سڑکوں کی بندش بھی نافذ کر رکھی ہے۔ حادثے کے بعد فائر فائٹنگ ٹیموں نے مختصر وقفہ کیا، تاہم بعد میں آگ بجھانے کا عمل دوبارہ شروع کردیا گیا۔
The two firefighters who went down amid fighting the Widemouth 2 fire are confirmed to be dead. A video shared with https://t.co/QstA2oM0wz shows what is believed to be helicopter's final water pickup before the crash.
According to the National Interagency Fire Center, under the… pic.twitter.com/vHZ7wbfe2W
— ABC4 News (@abc4utah) August 8, 2026
وائیڈماؤتھ ٹو آگ 27 جولائی کو آسمانی بجلی گرنے سے فش لیک نیشنل فاریسٹ میں لگی تھی اور اب تک ایک لاکھ 11 ہزار ایکڑ سے زیادہ رقبہ متاثر ہوچکا ہے۔ حکام کے مطابق آگ پر 24 فیصد قابو پایا گیا ہے، تاہم آگ کی شدت اور تیز ہواؤں کے باعث قریبی آبادیوں کو اب بھی خطرہ ہے۔
یوٹاہ کے گورنر اسپینسر کاکس نے جنگلات کی آگ بجھانے کے عملے کو خراج تحسین پیش کرتے ہوئے کہا کہ جنگلات میں آگ پر قابو پانا دنیا کے خطرناک ترین کاموں میں شامل ہے۔
