آئی جی سندھ جاوید عالم اوڈھو نے کہا ہے کہ کاروباری شخص میر رضا کے کیس میں غلطیاں غلط رابطہ کاری کے باعث سامنے آئیں، کیس کو بہتر انداز میں حل ہونا چاہیے، تحقیقات کرنے والی ٹیم کو میر رضا کے خاندان سے مسلسل رابطے میں رہنے کی ہدایت کی ہے۔
یہ بھی پڑھیں: ایک موت، قرض اور ایک ناقابلِ شناخت لاش: کیا میر رضا علی خان کیس کی گھتیاں سلجھنے والی ہیں؟
سکھر میں پریس کانفرنس کرتے ہوئے جاوید عالم اوڈھو نے کہا کہ میر رضا کیس کی تحقیقات کے لیے نئی کمیٹی تشکیل دی گئی ہے، امید ہے تحقیقاتی ٹیم بہتر کام کرے گی، ٹیم کو معاملات شفاف رکھنے کی ہدایت کی ہے۔
انہوں نے کہا کہ میر رضا کیس کے حقائق جلد عوام کے سامنے آجائیں گے۔
آئی جی سندھ نے بتایا کہ صوبے میں گزشتہ سال کے مقابلے میں جرائم میں کمی آئی ہے، سندھ میں قتل اور موبائل فون چھیننے کے واقعات بھی کم ہوئے ہیں۔
یہ بھی پڑھیں: میر رضا علی کیس: نئی تحقیقاتی ٹیم تشکیل، ایف آئی آر میں قتل کی دفعات شامل
ان کا کہنا تھا کہ گزشتہ سال 840 سے زائد مقدمات منشیات فروشوں کے خلاف درج کیے گئے جبکہ گزشتہ 7 ماہ کے دوران 9 ہزار 500 جرائم پیشہ افراد کو گرفتار کیا گیا ہے۔
