آزاد کشمیر کے ضلع راولاکوٹ میں کالعدم ایکشن کمیٹی کے مسلح جتھوں کی جانب سے ایک بار پھر سیکیورٹی فورسز کو نشانہ بنایا گیا، جس کے نتیجے میں فرنٹیئر کانسٹیبلری کا اہلکار مشتاق زخمی ہوگیا۔
مسلح حملہ آوروں نے جدید ہتھیاروں سے شدید فائرنگ کی اور پولیس کی چوکی پر دستی بم بھی پھینکے۔ ایک گرینیڈ قریب گرنے کے باعث ایف سی اہلکار مشتاق زخمی ہوگئے۔
کالعدم ایکشن کمیٹی کے مسلح جتھوں نے راولاکوٹ میں ایک بار پھر پولیس پر حملہ کر کے اپنے مذموم عزائم ظاہر کر دیئے pic.twitter.com/ITCVU68gMj
— PTV News (@PTVNewsOfficial) August 16, 2026
زخمی اہلکار کو فوری طور پر طبی امداد کے لیے سی ایم ایچ راولاکوٹ منتقل کردیا گیا، جہاں ان کا علاج جاری ہے۔
حکام کے مطابق گزشتہ چند روز کے دوران راولاکوٹ کے نواحی علاقوں میں کالعدم تنظیم کے مسلح حملوں کے مختلف واقعات میں سیکیورٹی فورسز کے 5 اہلکار زخمی ہوچکے ہیں۔
ماہرین کا کہنا ہے کہ آزاد کشمیر کے عوام کالعدم تنظیم کے گمراہ کن اور منفی پروپیگنڈے کو مسترد کرچکے ہیں۔
ان کے مطابق آزاد کشمیر میں انتخابات کا کامیاب انعقاد بھی اس بات کا واضح ثبوت ہے کہ عوام کالعدم ایکشن کمیٹی کے طرزِ عمل اور روش سے اتفاق نہیں کرتے۔
ماہرین کے مطابق حالیہ حملوں کے باوجود عوام نے انتخابی عمل میں بھرپور شرکت کرکے یہ پیغام دیا کہ وہ تشدد کے بجائے جمہوری اور آئینی طریقہ کار پر یقین رکھتے ہیں۔
