وزیر پیٹرولیم علی پرویز ملک نے کہا ہے کہ ان پر روزانہ پیٹرولیم مصنوعات کی قیمتیں تبدیل کرنے پر تنقید کی جاتی ہے، تاہم عالمی مارکیٹ میں ایندھن کی قیمتیں روزانہ کی بنیاد پر تبدیل ہوتی ہیں اور وزارت صرف اس پر عملدرآمد کرتی ہے۔
مزید پڑھیں:وزیر پیٹرولیم علی پرویز ملک سے سعودی سفیر کی ملاقات، پیٹرولیم شعبے میں جاری تعاون کا جائزہ
پاکستان انرجی کانفرنس سے خطاب کرتے ہوئے علی پرویز ملک نے کہا کہ 20 سال بعد سمندر میں تیل و گیس کی تلاش کا کام دوبارہ شروع کیا گیا ہے۔ گیس کی قیمت میں اضافہ کیے بغیر، پاور سیکٹر کی طلب میں کمی کے باوجود گردشی قرضے میں اضافہ نہیں ہونے دیا گیا۔
اسلام آباد: ڈیزل کی قیمتوں میں ریلیف کا اعلان، وزیرِ اطلاعات کے ہمراہ پریس کانفرنس۔ pic.twitter.com/BHJrlZ1Jn1
— Ali Pervaiz Malik (@AliPervaiz450) August 19, 2026
انہوں نے کہا کہ ناقدین کہتے ہیں کہ میں روز قیمتیں تبدیل کرتا ہوں، حالانکہ قیمتوں کا تعین عالمی مارکیٹ کے مطابق ہوتا ہے۔ فیول کی قیمتیں روزانہ کی بنیاد پر تبدیل ہوتی ہیں اور وہ صرف عالمی قیمتوں میں ہونے والی تبدیلیوں پر عملدرآمد کرتے ہیں۔
وزیر پیٹرولیم نے کہا کہ حکومت آئی ایم ایف کے ساتھ معاہدے کی روشنی میں اقدامات کر رہی ہے۔ گزشتہ روز ڈیزل کی قیمتوں میں ریلیف دیا گیا، جبکہ حکومت کی کوششوں سے ریفائنری نے بھی تعاون کیا، جس کے نتیجے میں ڈیزل کی قیمت کم ہوئی۔
علی پرویز ملک نے مزید کہا کہ ریفائنریوں کی اپ گریڈیشن کے لیے جلد معاہدہ کیا جائے گا۔
