چینی ٹیکنالوجی کمپنی علی بابا نے مصنوعی ذہانت سے متعلق منصوبوں اور بنیادی ڈھانچے کی ترقی کے لیے 10.2 ارب ڈالر مالیت کے نئے حصص فروخت کرنے کا اعلان کردیا۔
مزید پڑھیں:علی بابا نے اب تک کا سب سے طاقتور مصنوعی ذہانت کا ماڈل متعارف کرا دیا
رائٹرز کے مطابق علی بابا 80 ارب ہانگ کانگ ڈالر مالیت کے 71 کروڑ نئے حصص 112.70 ہانگ کانگ ڈالر فی حصص کے حساب سے جاری کرے گی۔ یہ ہانگ کانگ میں فہرست ہونے والی کسی کمپنی کی جانب سے اب تک کی سب سے بڑی اضافی حصص فروخت ہے۔
JUST IN: Alibaba shares set to open down 8% in Hong Kong after unveiling a $10.2 billion share placement plan. pic.twitter.com/UiQUlM3R2y
— HIT.com (@HIT) August 24, 2026
کمپنی کا کہنا ہے کہ اس فروخت سے حاصل ہونے والی تمام خالص رقم مصنوعی ذہانت کی مکمل صلاحیتیں، جن میں چپس، بنیادی ڈھانچہ اور اے آئی ماڈلز کی تیاری و تنصیب شامل ہے، مزید بہتر بنانے پر خرچ کی جائے گی۔
مزید پڑھیں:امریکا میں چینی مصنوعی ذہانت ماڈلز پر پابندی کا امکان
حصص کی فروخت کی خبر سامنے آنے کے بعد پیر کو ہانگ کانگ اسٹاک مارکیٹ میں علی بابا کے حصص کی قیمت قریباً 8 فیصد گر گئی۔ کمپنی نے حالیہ سہ ماہی میں اے آئی پر بھاری اخراجات کے باعث خالص منافع میں 75 فیصد کمی بھی رپورٹ کی تھی۔
