کراچی سے پشاور جانے والی مسافر ٹرین خیبر میل ٹیکسلا بائی پاس کے قریب پٹری سے اتر گئی، تاہم خوش قسمتی سے حادثے میں تمام مسافر مکمل طور پر محفوظ رہے۔
ریلوے حکام کے مطابق، کراچی سے روانہ ہونے والی خیبر میل جب ٹیکسلا بائی پاس کے نزدیک پہنچی تو اس کی بوگیاں اچانک پٹری سے نیچے اتر گئیں۔
یہ بھی پڑھیں: میانوالی سے لاہور جانے والی ٹرین کو حادثہ، 20 مسافر زخمی
حادثے کے فوراً بعد ریلوے انتظامیہ، مقامی پولیس اور ریسکیو ٹیمیں جائے وقوعہ پر پہنچ گئیں اور امدادی کارروائیوں کا آغاز کیا۔
ٹیکسلا بائی پاس کےمقام پرریل گاڑی پٹڑی سےاتر گئی، ،خیبرمیل کراچی سے پشاورجا رہی تھی، تمام مسافرمحفوظ، حکام pic.twitter.com/BAIDUFlrpl
— Ghazanfar Abbas (@ghazanfarabbass) August 31, 2026
حکام نے تصدیق کی ہے کہ حادثے کے نتیجے میں کسی قسم کا جانی نقصان یا کوئی شدید زخمی نہیں ہوا، اور تمام مسافروں کو بحفاظت ٹرین سے نکال لیا گیا ہے۔
مزید پڑھیں: مٹیاری کے قریب مال گاڑی حادثہ، اپ اور ڈاؤن ٹریک بند، ٹرین آپریشن 24 گھنٹے متاثر رہنے کا خدشہ
ریلوے کے تکنیکی عملے نے متاثرہ ٹریک کو بحال کرنے اور ٹرین کی بوگیوں کو ہٹانے کے لیے کام شروع کر دیا ہے تاکہ پشاور اور راولپنڈی کے مابین معطل ہونے والی ریلوے ٹریفک کو جلد از جلد بحال کیا جا سکے۔
ریلوے انتظامیہ کی جانب سے حادثے کی وجوہات جاننے کے لیے تحقیقات کا حکم دے دیا گیا ہے۔
