پاکستان ویمن کرکٹ ٹیم کی اسپنر سعدیہ اقبال نے کہا ہے کہ ٹیم ویمنز ایشیا کپ کے لیے بھرپور تیاری کر چکی ہے اور دبئی کے موسم اور پچ کے حالات سے بھی ہم آہنگ ہو گئی ہے۔
پاکستان ویمنز ٹیم ایشیا کپ میں اپنی مہم کا آغاز تھائی لینڈ کے خلاف کرے گی، سعدیہ اقبال کا کہنا ہے کہ ٹیم اپنی تیاریوں کو میدان میں مؤثر انداز میں استعمال کرنے کے لیے پُراعتماد ہے۔
یہ بھی پڑھیں: ویمنز ایشیا کپ 2026 کا میلہ دبئی میں سجنے کو تیار، فوٹو سیشن میں پلیئرز کا دلکش رقص
سعدیہ اقبال نے کہا کہ ویمنز ایشیا کپ کے لیے پاکستان کی تیاریاں بہت اچھی جا رہی ہیں، کھلاڑی ان شعبوں پر خصوصی محنت کر رہی ہیں جہاں انہیں اپنی کمزوریاں محسوس ہوئی تھیں۔
انہوں نے کہا کہ تربیتی کیمپ کے دوران مردوں کی ٹیم کے ساتھ کھیلنے سے کھلاڑیوں کے اعتماد میں اضافہ ہوا اور انہیں اپنی کمزوریاں شناخت کرنے کا موقع ملا۔
Pakistan spinner Sadia Iqbal continues to hold the top spot in the ICC Women’s T20I bowling rankings, maintaining her dominance as one of the leading performers in world cricket.#SadiaIqbal #WomenInCricket#T20IWomensCricket#PakistanTV #PakistanTvglobal pic.twitter.com/hh45B2MzYK
— Pakistan TV (@PakTVGlobal) March 26, 2026
’لڑکوں کے ساتھ کھیلنے سے اعتماد میں اضافہ ہوتا ہے، ہمیں کیمپ میں مردوں کی ٹیم کے ساتھ کھیلنے کا موقع ملا، جس سے ہمیں اپنی کمزوریوں کی نشاندہی اور ان پر کام کرنے میں مدد ملی۔‘
دبئی کی پچز کے حوالے سے اسپنر سعدیہ اقبال نے کہا کہ وہاں کی وکٹیں اسپنرز کے لیے سازگار ہیں اور پاکستان نے اسی بات کو مدنظر رکھتے ہوئے اپنی حکمت عملی اور تیاری مکمل کی ہے۔
مزید پڑھیں: ویمنز ایشیا کپ 2026: قومی خواتین ٹیم کا مردانہ اسکواڈ کے ساتھ پریکٹس میچ
انہوں نے کہا کہ پاکستان کا اسپن بولنگ شعبہ مضبوط ہے اور ٹیم کو اس سے اچھے نتائج کی امید ہے۔
ٹی20 کرکٹ میں جارحانہ انداز اپنانے کے حوالے سے سعدیہ اقبال نے کہا کہ مختصر فارمیٹ کی کرکٹ میں بہت تبدیلی آ چکی ہے، اس لیے ٹیم کو جارحانہ کرکٹ کھیلنا ہوگی اور پاکستان اسی انداز میں کھیلنے کی کوشش کرے گا۔
