قومی کرکٹر شاداب خان نے پی ایس ایل 8 کے نمائشی میچ میں پنجاب کے نگران وزیر کھیل وہاب ریاض کے آخری اوور میں کوئٹہ گلیڈی ایٹر کے بیٹر افتخار احمد کے 6 چھکوں پر دلچسپ تبصرہ کیا۔
ٹوئٹر پر جاری بیان میں شاداب خان نے لکھا کہ میرے چھوٹے بھائی افتخار احمد نے وزیر کھیل کا لحاظ بھی نہیں کیا۔
شاداب نے اپنی ٹوئٹ میں لکھا کہ لیکن منسٹر صاحب کو ہلکا نہ لیں وہ آپ باؤنس بیک بھی کرسکتے ہیں۔
Mere chotay bhai @IftiAhmed221 ne sports minister @WahabViki ka bhi lehaz nahi kiya 🤷. Minister sb ko easy na lein, he will bounce back too. Great to see the love and support shown by the people of Quetta. They deserve the best. pic.twitter.com/gwTsw4aPHT
— Shadab Khan (@76Shadabkhan) February 5, 2023
شاداب نے لکھا کہ کوئٹہ میں لوگوں کی محبت اور تعاون دیکھ کر خوشی ہوئی وہ بہترین کے قابل ہیں۔
یاد رہے کہ کوئٹہ کے بگٹی اسٹیڈیم میں کھیلے گئے نمائشی میچ میں کوئٹہ گلیڈی ایٹرز کے مڈل آرڈر بیٹر افتخار احمد نے اننگز کے آخری اوور میں وہاب ریاض کو 6 گیندوں پر 6 چھکے مار کر اپنی ٹیم کا اسکور 184 رنز تک پہنچایا اور جیت میں اہم کردار ادا کیا۔
نمائشی میچ میں سرفراز الیون نے بابر اعظم الیون کو دلچسپ مقابلے کے بعد 3 رنز سے شکست دی جس میں افتخار احمد کے ناقابل شکست 94 رنز کی جارحانہ اننگز بھی شامل تھی۔
واضح رہے کہ افتخار احمد نے حال ہی میں بنگلہ دیش پریمیئر لیگ میں اپنی پہلی ٹی ٹؤئنٹی سنچری سکور کی تھی۔
