پاکستان کی انٹربینک مارکیٹ میں روپے کے مقابلے میں امریکی ڈالر کی قدر میں معمولی کمی ریکارڈ کی گئی۔
حالیہ تبدیلی کے بعد انٹربینک میں ڈالر287 روپے 73 پیسے کا ہو گیا جبکہ گزشتہ روز ڈالر کی قدر 287 روپے 98 پیسے رہی تھی۔
اسٹیٹ بینک آف پاکستان کی کرنسی ایکسچینج رپورٹ کے مطابق سعودی ریال 76.43 روپے، اماراتی درہم78.06 روپے، قطری ریال 78.69 روپے، کویتی دینار 933.48 روپے اور بحرینی دینار760.50 روپے کا رہا۔
انٹربینک میں آسٹریلین ڈالر کی قدر 194 روپے 58 پیسے، کینیڈین ڈالر 218 روپے07 پیسے اور برطانوی پاؤنڈ 366 روپے 04 پیسے ریکارڈ کی گئی۔
