نائب وزیراعظم و وزیر خارجہ سینیٹر اسحاق ڈار نے اقوام متحدہ کی جنرل اسمبلی کے 81ویں اجلاس میں پاکستان کی شرکت کے پروگرام اور تیاریوں کا جائزہ لیا۔
اسحاق ڈار کی زیرصدارت وزارت خارجہ میں منعقدہ اجلاس میں اقوام متحدہ کی جنرل اسمبلی کے 81ویں اجلاس کے لیے پاکستان کے مجوزہ پروگرام پر تفصیلی غور کیا گیا۔
یہ بھی پڑھیں: اسحاق ڈار اور اسٹیفن ڈاؤٹی کی لندن میں اہم بیٹھک، قیام امن کے لیے سفارتکاری تیز کرنے پر اتفاق
دفتر خارجہ کے ترجمان کے مطابق اجلاس میں سیکریٹری خارجہ اور ایڈیشنل سیکریٹری (اقوام متحدہ) نے نائب وزیراعظم و وزیر خارجہ کو جنرل اسمبلی اجلاس کے دوران پاکستان کی مصروفیات کے مجوزہ پروگرام پر بریفنگ دی۔
Deputy Prime Minister/Foreign Minister Senator Mohammad Ishaq Dar @MIshaqDar50 chaired a meeting today to review the programme for the 81st Session of the United Nations General Assembly.
The Foreign Secretary and Special Secretary (UN) briefed the DPM/FM on the proposed… pic.twitter.com/evERGMYr2k
— Ministry of Foreign Affairs – Pakistan (@ForeignOfficePk) September 15, 2026
بریفنگ میں اعلیٰ سطحی ملاقاتوں، دوطرفہ اجلاسوں اور جنرل اسمبلی کے موقع پر ہونے والی دیگر اہم سفارتی سرگرمیوں کی تفصیلات پیش کی گئیں۔
وزیر خارجہ اسحاق ڈار نے مجوزہ پروگرام کا جائزہ لیتے ہوئے اس کی ترجیحات اور انتظامات کے حوالے سے ضروری ہدایات جاری کیں۔
مزید پڑھیں: پاکستانی سفارتکاری رنگ لے آئی، اسحاق ڈار نے اہم پیشرفت کی تصدیق کر دی
انہوں نے جنرل اسمبلی کے اعلیٰ سطحی اجلاس کے دوران پاکستان کی مؤثر اور فعال سفارتی شرکت یقینی بنانے کے لیے تمام متعلقہ حکام کے درمیان قریبی رابطہ اور مکمل تیاری برقرار رکھنے کی ہدایت کی۔
دفتر خارجہ کے مطابق اجلاس میں اقوام متحدہ جنرل اسمبلی کے 81ویں اجلاس کے موقع پر پاکستان کی سفارتی ترجیحات اور اہم دوطرفہ و کثیرالجہتی روابط کو مؤثر انداز میں آگے بڑھانے کے لیے انتظامات کا بھی جائزہ لیا گیا۔
