پاکستان کرکٹ بورڈ نے قومی مینز کرکٹ ٹیم کے لیے نئے بولنگ کوچ کی تلاش شروع کرتے ہوئے امیدواروں سے درخواستیں طلب کرلی ہیں۔
پی سی بی کے مطابق بولنگ کوچ کے عہدے کے لیے امیدوار کے پاس لیول تھری کرکٹ کوچنگ ایکریڈیٹیشن ہونا ضروری ہے۔
🚨 PAKISTAN’S NEW BOWLING COACH 🇵🇰
– PCB have advertised for a Level 3 Bowling Coach for the Pakistan cricket team.
– Current bowling coach Ashley Noffke will complete his final assignment with Pakistan at the Asian Games 2026. pic.twitter.com/ZZIZr54ddE
— Mian Ahmad (@aHmADmIaN150) September 23, 2026
ذرائع کے مطابق امیدوار کے لیے کم از کم 5 سال کا متعلقہ تجربہ بھی لازمی قرار دیا گیا ہے، جبکہ خواہش مند افراد 8 اکتوبر تک اپنی درخواستیں جمع کراسکتے ہیں۔
ذرائع کا کہنا ہے کہ قومی ٹیم کے وائٹ بال بولنگ کوچ ایشلے نوفکی اپنے عہدے سے مستعفی ہوچکے ہیں اور انہوں نے بورڈ کو اپنی ذمہ داریوں سے الگ ہونے سے آگاہ کردیا تھا۔
یہ بھی پڑھیں:ایشین گیمز 2026: پاکستان کرکٹ ٹیم کی کراچی میں تیاریوں کا آغاز
ایشلے نوفکی کی ذمہ داریوں کے حوالے سے ایشین گیمز کو ان کی آخری سیریز قرار دیا جا رہا ہے، جس کے بعد پی سی بی نے نئے بولنگ کوچ کی تقرری کے لیے درخواستیں طلب کی ہیں۔
