وزیراعظم شہباز شریف نے لبنانی ہم منصب نواف سلام سے ملاقات میں پاکستان اور لبنان کے درمیان دیرینہ برادرانہ تعلقات کو مزید مضبوط بنانے کے عزم کا اعادہ کرتے ہوئے دوطرفہ تعاون کے فروغ پر زور دیا ہے۔
وزیراعظم محمد شہباز شریف نے یہ ملاقات نیویارک میں اقوام متحدہ کی جنرل اسمبلی کے 81ویں اجلاس کے موقع پر کی۔
یہ بھی پڑھیں: لبنان میں جنگ بندی کا خیر مقدم، پاکستان امن کے لیے کردار جاری رکھے گا، شہباز شریف
ملاقات کے دوران دونوں رہنماؤں نے پاکستان اور لبنان کے باہمی تعلقات، مشرق وسطیٰ کی صورتحال اور مجموعی علاقائی پیش رفت پر تبادلہ خیال کیا۔
وزیراعظم شہباز شریف نے لبنان کی خودمختاری، سیاسی آزادی، قومی وحدت اور علاقائی سالمیت کے لیے پاکستان کی مسلسل حمایت کا اعادہ کیا۔
PMO Press Release no 383 /2026
وزیراعظم آفس
میڈیا ونگنیویارک : 24 ستمبر، 2026
وزیراعظم محمد شہباز شریف کی اقوام متحدہ کی جنرل اسمبلی کے اجلاس کے موقع پر جمہوریہ لبنان کے وزیراعظم عزت مآب نواف سلام سے ملاقات
وزیراعظم محمد شہباز شریف نے آج نیویارک میں اقوام متحدہ کی جنرل… pic.twitter.com/PSNdSOQiKU
— Permanent Mission of Pakistan to the UN (@PakistanUN_NY) September 24, 2026
وزیراعظم نے خطے میں فوری طور پر جنگ بندی اور دشمنی کے خاتمے، جنگ بندی کے انتظامات پر سختی سے عمل درآمد اور لبنان کے مقبوضہ علاقوں سے اسرائیلی افواج کے مکمل انخلا پر زور دیا۔
اقوام متحدہ میں پاکستان کے مستقل مندوب کے آفس سے جاری کردہ اعلامیے کے مطابق ملاقات میں دونوں ممالک کے درمیان مختلف شعبوں میں تعاون مزید بڑھانے کے امکانات کا بھی جائزہ لیا گیا۔
مزید پڑھیں: لبنان نے اسرائیلی حملے رکوانے کے لیے پاکستان سے تعاون مانگ لیا
دونوں رہنماؤں نے اقوام متحدہ کی سلامتی کونسل کی متعلقہ قراردادوں پر مکمل عمل درآمد کی ضرورت بھی اجاگر کی۔
اس حوالے سے اعلیٰ سطح کے وفود کے تبادلوں، تجارت و سرمایہ کاری، دفاع اور ادارہ جاتی تعاون کو فروغ دینے پر گفتگو ہوئی۔
دونوں رہنماؤں نے اقوام متحدہ سمیت دیگر کثیرالجہتی فورمز پر پاکستان اور لبنان کے درمیان جاری باہمی تعاون کو بھی مزید مستحکم کرنے کے عزم کا اعادہ کیا۔
