چین کی 7 فٹ 4 انچ طویل القامت 19 سالہ کھلاڑی ژانگ زیو نے شاندار کارکردگی دکھاتے ہوئے ایشین گیمز کے باسکٹ بال ایونٹ میں اپنی ٹیم کو کانسی کا تمغہ جتوا دیا ہے۔
اس ابھرتی ہوئی نوجوان کھلاڑی کی غیر معمولی صلاحیتوں کو دیکھتے ہوئے ماہرین اور کوچز نے انہیں مستقبل کی ’ناقابلِ تسخیر‘ اور دنیا کی بہترین کھلاڑی قرار دیا ہے۔
中国女篮中锋张子宇，身高2.26米，人送外号女版姚明，虽然个人实力很强，在亚运会半决赛独自砍下22分，但还是没能力挽狂澜，最终中国队以80：85输给了韩国队 pic.twitter.com/Hfzjx0L4go
— Hidden City (@CityHidden39000) September 26, 2026
جاپان کے شہر ناگویا میں کھیلے گئے تیسری پوزیشن کے اہم میچ میں چین نے تائیوان کو 64-77 سے شکست دی۔ اس فیصلہ کن میچ میں 223 سینٹی میٹر (7 فٹ 4 انچ) طویل القامت ژانگ نے اپنی اونچائی کا بھرپور فائدہ اٹھایا اور کورٹ میں مکمل طور پر چھائی رہیں۔
میچ کے دوران کئی مواقع پر وہ تائیوان کی ٹیم سے بالکل ایک الگ ہی درجے کی کھلاڑی معلوم ہوئیں، جو باآسانی حریف کھلاڑیوں کے سروں کے اوپر سے گیند پکڑ کر باسکٹ میں ڈالتی رہیں۔ تائیوان کے خلاف انہوں نے شاندار کھیل پیش کرتے ہوئے 14 پوائنٹس اسکور کیے۔
یہ بھی پڑھیں:باسکٹ بال ٹیم کی کامیابی کا جشن ہنگامہ آرائی میں بدل گیا، فیفا شٹل بس نذرِ آتش
اس شاندار کارکردگی کے باوجود ژانگ کا ماننا ہے کہ انہیں ابھی بہت کچھ سیکھنا ہے۔ ان کا کہنا تھا کہ ’میں صرف اپنا کردار ادا کرتے ہوئے ٹیم کی جیت میں حصہ ڈالنا چاہتی ہوں، میں نے اپنی پھرتی بڑھانے کے لیے سخت محنت کی ہے اور مزید سیکھنے کا جذبہ رکھتی ہوں۔‘
عالمی سطح پر پذیرائی
محض 19 سال کی عمر میں ژانگ کا قد مشہور این بی اے لیجنڈ شکیل اونیل سے بھی زیادہ ہے۔ حالیہ ہفتوں میں انہوں نے عالمی سطح پر خاصی توجہ حاصل کی ہے۔
جرمنی میں ہونے والے ویمنز ورلڈ کپ کے دوران امریکی سپر اسٹار کیٹلن کلارک نے بھی ان کی تعریف کی اور اعتراف کیا کہ انہوں نے آج تک اتنی طویل القامت خاتون کے خلاف نہیں کھیلا۔
张子宇2米23，19岁。
面对小个阵容，她像一堵墙。对手怕她，防守一收缩，球往里一塞就能得分。
但真正遇到美国、法国这种不怕身体优势、移动速度更快的球队，问题就暴露出来了：
脚步慢，活动范围小，离开篮下就很难制造威胁。
问题可能不在张子宇本人，而在中国是怎么培养一个“巨人”的。…
— 控城狮 | Real vs Rules (@thecitylion) September 24, 2026
ایشین گیمز کے کوارٹر فائنل میں ژانگ کا سامنا کرنے والی منگولیا کی کھلاڑی اماری رابنسن کا کہنا تھا کہ ژانگ کا قد ہی بذاتِ خود ایک بڑا حریف ہے۔ رابنسن کے مطابق اس چینی کھلاڑی کے ہاتھوں اور پیروں کی حرکت اور مہارت انتہائی شاندار ہے۔
مستقبل کی ’ناقابلِ تسخیر‘ کھلاڑی
فلپائن کے ہیڈ کوچ ہیویئر الواریز گارشیا نے ژانگ کو ایک حیرت انگیز ٹیلنٹ قرار دیتے ہوئے پیش گوئی کی ہے کہ وہ مستقبل میں امریکی لیگ ڈبلیو این بی اے میں ضرور کھیلیں گی۔ ان کا کہنا تھا کہ ژانگ بلاشبہ دنیا کی ٹاپ 1 یا ٹاپ 2 کھلاڑیوں میں شمار ہوں گی۔
مزید پڑھیں:121 گھنٹے تک باسکٹ بال کھیلنے والا گروپ ورلڈ ریکارڈ توڑنے میں کامیاب
دوسری جانب چینی ٹیم کے کوچ گونگ لومنگ نے واضح کیا ہے کہ ژانگ کی نقل و حرکت میں نمایاں بہتری آئی ہے اور ان کا قد ان کا سب سے بڑا ہتھیار ہے۔ چینی کوچ کا کہنا تھا کہ اگر ژانگ نے اپنی صلاحیتوں کو اسی طرح نکھارنا جاری رکھا تو ایک دن وہ باسکٹ بال کی دنیا میں واقعی ’ناقابلِ تسخیر‘ بن جائیں گی۔
