پیپلز پارٹی کے چیئرمین بلاول بھٹو زرداری نے حکومت اور اپوزیشن کے درمیان سیاسی مسائل کے حل کے لیے مشترکہ مذاکرات شروع کرنے کے فیصلے کا خیرمقدم کرتے ہوئے امید ظاہر کی ہے کہ مذاکرات کے نتیجے میں اپوزیشن غیر مشروط طور پر اپنا لانگ مارچ ختم کردے گی۔
یہ بھی پڑھیں:حکومت اور پی ٹی آئی مذاکرات میں مثبت پیشرفت، مزید آگے بڑھنے کے لیے بات چیت کل دوپہر تک ملتوی
بلاول بھٹو زرداری نے کہا کہ دہشت گردی کا چیلنج پاکستان کے لیے وجودی خطرہ بن چکا ہے، خصوصاً اس لیے کہ ان گروہوں کو ہمسایہ ممالک سے فعال حمایت حاصل ہے۔
I’m pleased that the government has accepted the PPP’s suggestion to jointly engage politically with the opposition in an effort to find political solutions to political problems.
The challenge of terrorism has become an existential threat to Pakistan, particularly given the…
— Bilawal Bhutto Zardari (@BBhuttoZardari) October 2, 2026
انہوں نے امید ظاہر کی کہ حکومت اور اپوزیشن کے درمیان مذاکرات کامیاب ہوں گے اور ملک سیاسی اختلافات سے بالاتر ہوکر دہشتگردی کے خطرے کا مقابلہ کرنے اور ہمسایہ ممالک سے لاحق خطرات سے نمٹنے کے لیے متحد ہوسکے گا۔
یہ بھی پڑھیں: مزاحمت یا مذاکرات، محمود خان اچکزئی اور راجہ ناصر عباس کے لیے 2 ہی راستے
بلاول بھٹو زرداری نے کہا کہ پیپلز پارٹی دہشتگردی کے خلاف ہر آئینی طریقے سے جدوجہد کرنے کے لیے پہلے بھی پرعزم رہی ہے اور آئندہ بھی اس عزم پر قائم رہے گی۔
