برطانوی رائل نیوی کے ایک حاضر سروس اہلکار پر نامعلوم ملک کے لیے جاسوسی اور حساس معلومات حاصل کرنے کے الزامات عائد کر دیے گئے۔
پولیس کے مطابق بیڈفورڈ شائر سے تعلق رکھنے والے 24 سالہ ٹیڈی ینگ کے خلاف نیشنل سیکیورٹی ایکٹ کے تحت مقدمہ درج کیا گیا ہے۔
یہ بھی پڑھیں: لندن، ایران کے لیے جاسوسی کے شبے میں 4 افراد گرفتار
اس پر الزام ہے کہ اس نے ایسی محفوظ معلومات حاصل کیں جو کسی غیر ملکی طاقت کے مفاد میں استعمال ہو سکتی تھیں۔
ٹیڈی ینگ کو منگل کے روز بیڈفورڈ شائر میں واقع اس کے گھر سے گرفتار کیا گیا۔ اسے حراست میں بھیج دیا گیا ہے اور جمعرات کو ویسٹ منسٹر مجسٹریٹس کورٹ میں پیش کیا جائے گا۔
"Teddy Young, 24, from Bedfordshire, has been charged with offences under the National Security Act (NSA) including an allegation of obtaining protected information which could benefit an unnamed foreign power".https://t.co/qRQ9wL9CZO
— Dr. Dan Lomas (@Sandbagger_01) October 8, 2026
کاؤنٹر ٹیررازم پولیسنگ لندن کی سربراہ کمانڈر ہیلن فلاناگن نے کہا کہ مسلح افواج کے حاضر سروس رکن کے خلاف عائد الزامات انتہائی سنگین نوعیت کے ہیں۔
پولیس کے مطابق ٹیڈی ینگ کے خلاف الزامات کا تعلق 26 نومبر 2024 سے 21 مئی 2025 کے دوران مبینہ سرگرمیوں سے ہے، اس پر الزام ہے کہ اس نے محفوظ معلومات افشا کرنے کے جرم کی تیاری کی۔
مزید پڑھیں: چین کے لیے جاسوسی: برطانوی رکنِ پارلیمنٹ کے شوہر سمیت 3 افراد گرفتار
پولیس کا مزید کہنا ہے کہ ملزم نے محفوظ معلومات حاصل، نقل، ریکارڈ یا اپنے پاس محفوظ کیں اور اس کا مقصد کسی غیر ملکی طاقت کو فائدہ پہنچانا تھا۔
الزام ہے کہ وہ جانتا تھا، یا اسے دیگر معلوم حالات کی بنیاد پر معقول طور پر معلوم ہونا چاہیے تھا، کہ اس کا یہ طرز عمل برطانیہ کی سلامتی یا مفادات کے لیے نقصان دہ ہو سکتا ہے۔
BREAKING: 24-year-old Royal Navy serviceman Teddy Young has been charged with spying for a foreign country after an investigation by counter-terrorism police.
Sky's @haynesdeborah has more on the story.https://t.co/28tdwJAob9 pic.twitter.com/U8H1m0easu
— Sky News (@SkyNews) October 8, 2026
کمانڈر ہیلن فلاناگن نے کہا کہ تحقیقات کے دوران وزارت دفاع کے متعلقہ آپریشنل حکام کے ساتھ قریبی تعاون کیا گیا تاکہ اس معاملے سے وابستہ ممکنہ خطرات کو کم کرنے کے لیے مناسب اقدامات کیے جا سکیں۔
پولیس نے واضح کیا کہ ٹیڈی ینگ کے خلاف مقدمے کا برطانیہ کے آر اے ایف فیئر فورڈ اڈے کے قریب حالیہ مشتبہ سرگرمی کے واقعے سے کوئی تعلق نہیں۔
مزید پڑھیں: برطانیہ نے انتخابی عمل پر سائبر حملوں کا الزام چین پر لگا دیا
اس واقعے کے بعد متعدد افراد کو گرفتار کیا گیا تھا اور کاؤنٹر ٹیررازم پولیس کی تحقیقات جاری ہیں، منگل ہی کو اس معاملے میں 7ویں شخص کو بھی گرفتار کیا گیا تھا۔
رائل نیوی کے ترجمان نے اہلکار کے خلاف الزامات کی تصدیق کرتے ہوئے کہا کہ چونکہ قانونی کارروائی جاری ہے، اس لیے اس مرحلے پر مزید تبصرہ کرنا مناسب نہیں ہوگا۔
