وزیراعلیٰ پنجاب مریم نواز شریف نے آٹے کے نرخ بڑھنے پر شدید برہمی کا اظہار کرتے ہوئے ہنگامی ویڈیو لنک اجلاس طلب کر لیا۔
مزید پڑھیں:گندم اور آٹے کی قیمت میں اچانک بڑا اضافہ، وجہ کیا ہے؟
وزیراعلیٰ نے عوام کو ہر صورت سستا آٹا اور گندم فراہم کرنے کا حکم دیتے ہوئے فلور ملوں کو 3 ہزار 800 روپے فی من ملنے والی سبسڈائز سرکاری گندم کا کوٹہ بڑھانے کا فیصلہ کیا ہے۔
Fast track increase in flour prices.
— Nusrat Javeed (@javeednusrat) October 8, 2026
اجلاس میں سستے آٹے کی یقینی فراہمی کے لیے 10 ارب روپے کی سبسڈی دینے پر اتفاق کیا گیا، جس کی وزیراعلیٰ مریم نواز شریف نے منظوری دے دی۔
مریم نواز شریف نے مارکیٹ میں آٹے اور گندم کے نرخوں میں مصنوعی اضافے کے رجحان پر تشویش کا اظہار کرتے ہوئے کہا کہ عوام پر مہنگائی کا بوجھ بے حد تکلیف دہ ہے۔
مزید پڑھیں:ملک میں آٹے کی قیمت بلند ترین سطح پر ، سارے ریکارڈ ٹوٹ گئے
وزیراعلیٰ نے کہا کہ عوام کو سستا آٹا فراہم کرنے کے لیے تمام وسائل بروئے کار لائیں گے، جبکہ سستے آٹے اور سستی روٹی کی فراہمی جاری رہے گی۔
