خیبر پختونخوا میں 15 سالہ حکومتی کارکردگی کے دعوؤں کے باوجود صوابی میں ایم پی اے کے اپنے گاؤں اور ویلیج کونسل میں درجنوں راستے خستہ حالی کا شکار ہیں اور کھنڈرات کا منظر پیش کررہے ہیں، جبکہ ندی نالیوں کا گندا پانی سڑکوں پر بہنے کے باعث عوام کو شدید مشکلات کا سامنا ہے۔
بنیادی سہولیات کی اس ابتر صورت حال پر مقامی شہریوں نے تشویش کا اظہار کرتے ہوئے سوال اٹھایا ہے کہ جب منتخب نمائندے اپنے ہی گاؤں اور ویلیج کونسل میں سڑکوں اور نکاسی آب کے نظام کو بہتر نہیں بنا سکتے تو پورے حلقے کی ترقی کے دعوے کیسے پورے کیے جا سکتے ہیں؟
شہریوں نے متعلقہ حکام سے مطالبہ کیا ہے کہ خستہ حال سڑکوں کی تعمیر و مرمت اور نکاسی آب کے نظام کو بہتر بنانے کے لیے فوری اقدامات کیے جائیں۔ مزید تفصیلات جانیے ایوب خان کی اس ویڈیو رپورٹ میں۔
