عوامی مسلم لیگ کے سربراہ شیخ رشید احمد نے کہا ہے کہ آئی ایم ایف سے پردے کے پیچھے کیا ڈیل ہوئی، کسی کو کچھ معلوم نہیں۔ آئی ایم ایف کی ساری شرائط قبول کرنا قربانی سے پہلے غریب کی قربانی کے مترادف ہے۔
سماجی رابطے کی ویب سائٹ ٹویٹر پر اپنے پیغام میں سربراہ عوام مسلم لیگ شیخ رشید نے کہا کہ ’حکومت نے 215 ارب روپے کا مزید ٹیکس لگا کربجٹ کا ڈھانچہ مکمل تبدیل کردیا ہے، آئی ایم ایف کی ساری شرائط ماننا قربانی سے پہلے غریب کی قربانی کے مترادف ہے۔ ‘
شیخ رشید کا کہنا ہے کہ جب کارخانے بند ہوں گے، لوگ بے روزگار ہوں گے، مہنگائی ہوگی تو10 کھرب کے محصولات کہاں سے اکھٹے ہوں گے؟ آئی ایم ایف سے پردے کے پیچھے کیا ہوا ہے کسی کو کچھ معلوم نہیں۔
حکومت نے215ارب روپےکامزید ٹیکس لگا کربجٹ کا ڈھانچہ مکمل تبدیل کردیاہے۔IMFکی ساری شرائط قربانی سےپہلے غریب کی قربانی ہے۔ جب کارخانے بند ہوں گے لوگ بےروزگارہونگے مہنگائی ہوگی تودس کھرب کے محصولات کہاں سے اکھٹے ہوں گے۔IMFسےپردےکے پیچھے کیاہواہے کسی کو کچھ معلوم نہیں
— Sheikh Rashid Ahmed (@ShkhRasheed) June 26, 2023
’بندرگاہیں، اسٹیل مِل، روزویلٹ ہوٹل، ایئرپورٹ، ہائی ویزلیزپردینا سرمایہ کاری نہیں، قومی اثاثے گروی رکھ کر بیوقوف نہیں بنایا جا سکتا۔‘
مزید پڑھیں
سربراہ عوامی مسلم لیگ نے کہا کہ عوام سڑکوں کی بجائے بیلٹ باکس کی طرف جانا چاہتی ہے۔ وزیرداخلہ ہزارلوگوں کوگولی مارنے پھانسی دینے کا کہتا ہے، قحط زده بجٹ کے دوران وزیراعظم اورپارٹی سربراہان موجود نہیں تھے۔
عوام کامینڈیٹ نہیں ڈیٹIMFسےمانگ رہےہیں13جماعتوں کی 14مہینے کی انٹرنشپ ناکام ہوگئی دبئی میں سیاسی کچھڑی پک رہی ہےنواز شریف آجائےتیل دیکھےتیل کی دھاردیکھےدو تہائی کےبغیر قانون بنارہےہیں سپریم کورٹ کونہیں مان رہےبوٹ پالشیےاورمالیشے عوام میں بےنقاب ہوگئےہیں الیکشن ہرصورت ہوکررہیں گے
— Sheikh Rashid Ahmed (@ShkhRasheed) June 26, 2023
عوام کا مینڈیٹ نہیں، ڈیٹ آئی ایم ایف سے مانگ رہے ہیں، 13جماعتوں کی 14مہینے کی انٹرنشپ ناکام ہوگئی، دبئی میں سیاسی کچھڑی پک رہی ہے۔
انہوں نے کہا کہ نواز شریف آ جائے تیل دیکھےتیل کی دھاردیکھے، دو تہائی کے بغیر قانون بنا رہے ہیں، سپریم کورٹ کو نہیں مان رہے، بوٹ پالشیے اورمالیشے عوام میں بےنقاب ہو گئے ہیں، الیکشن ہرصورت ہوکررہیں گے۔
