امریکی صدر ڈونلڈ ٹرمپ کی انتظامیہ نے یونان میں امریکی سفیر کمبرلی گلفوائل سے استعفے کا مطالبہ کردیا ہے۔ ان پر ٹرمپ کے ایک حامی سے رقم مانگنے اور یونان کے دولت مند کاروباری شخصیات سے مہنگی مہمان نوازی قبول کرنے کے الزامات سامنے آئے ہیں، جنہیں انہوں نے مسترد کردیا ہے۔
خبر رساں ادارے اے ایف پی کے مطابق وائٹ ہاؤس کی نئی پریس سیکریٹری کیٹی زکریا نے منگل کو اپنی پہلی پریس بریفنگ میں صحافیوں کو بتایا کہ انتظامیہ نے کمبرلی گلفوائل سے استعفیٰ دینے کو کہا ہے۔
یہ بھی پڑھیں: ٹرمپ انتظامیہ کے خلاف آزادی صحافت کا مقدمہ، 3 بڑے خبر رساں ادارے میدان میں آگئے
یہ اعلان ایک روز بعد سامنے آیا جب صدر ٹرمپ نے تسلیم کیا تھا کہ وہ کمبرلی گلفوائل کو عہدے سے ہٹانے پر غور کررہے ہیں۔ امریکی خبر رساں ادارے فاکس نیوز کی سابق میزبان کمبرلی گلفوائل امریکی صدر کے بڑے بیٹے ڈونلڈ ٹرمپ جونیئر کی سابق منگیتر بھی ہیں۔
ڈونلڈ ٹرمپ نے اعلان کے بعد صحافیوں سے گفتگو کرتے ہوئے کہا کہ وہ اچھا کام کررہی تھیں، لیکن انہیں ان کے بارے میں سامنے آنے والی خبریں پسند نہیں آئیں۔ صدر نے کہا کہ انہوں نے گلفوائل سے بات نہیں کی، تاہم اب وہ اس عہدے پر نہیں رہیں گی۔
.@PressSec @KatieZacharia: “We have asked Ambassador Guilfoyle to resign. She has been a wonderful asset to the team, and we wish her well.” https://t.co/gSZfl1RTQp
— Rapid Response 47 (@RapidResponse47) October 13, 2026
کمبرلی گلفوائل نے سوشل میڈیا پلیٹ فارم ایکس پر جاری بیان میں اپنے خلاف الزامات کو مسترد کرتے ہوئے بطور سفیر اپنی کارکردگی کا دفاع کیا۔ انہوں نے امریکا کی توانائی کی برآمدات بڑھانے اور یونان کے ساتھ سیکیورٹی تعلقات مضبوط بنانے کی کوششوں کا حوالہ دیا۔
گلفوائل نے لکھا کہ یہ الزامات جھوٹے ہیں اور وہ اپنے نام، ساکھ اور دیانت داری کے دفاع کے لیے بھرپور کوشش کریں گی۔ انہوں نے صدر ٹرمپ اور وزیر خارجہ مارکو روبیو کا شکریہ ادا کرتے ہوئے صدر سے اپنی وفاداری کا اعادہ کیا، تاہم تسلیم کیا کہ بطور سفیر ان کی مدت ختم ہونے کے قریب ہوسکتی ہے۔
ایک لاکھ ڈالر کے قرض کی ادائیگی کا مطالبہ
کمبرلی گلفوائل کو مالی معاملات اور دولت مند کاروباری شخصیات کے ساتھ تعلقات کے حوالے سے وال اسٹریٹ جرنل کی متعدد رپورٹس کے بعد بڑھتی ہوئی جانچ پڑتال کا سامنا ہے۔
.@POTUS: “She was doing a good job, but we didn’t like what we were reading so we’re making a change.” https://t.co/PmX7okZu7w
— Rapid Response 47 (@RapidResponse47) October 13, 2026
اخبار کے مطابق انہوں نے جولائی 2025 میں سینیٹ سے بطور سفیر تقرری کی منظوری سے قبل ٹرمپ کے بااثر حامی ایرک ڈیٹرز سے اپنے ذاتی کریڈٹ کارڈ کے ایک لاکھ ڈالر کے قرض کی ادائیگی کرنے کو کہا تھا۔
یہ بھی پڑھیں: وائٹ ہاؤس میں میڈیا پر پابندی، امریکی عدالت نے ٹرمپ کا حکم روک دیا
اخبار نے پیغامات کے اسکرین شاٹس شائع کرتے ہوئے رپورٹ کیا کہ گلفوائل نے ڈیٹرز کو لکھا تھا کہ ‘پیارے، براہ کرم آج ہی میرے لیے یہ کام کر دیں’۔ پیغام کے ساتھ کریڈٹ کارڈ کمپنی کو ادائیگی کرنے کی ہدایات بھی بھیجی گئی تھیں۔
ایرک ڈیٹرز نے ادائیگی سے انکار کردیا تھا۔ انہوں نے اخبار کو بتایا کہ ایسا کرنے سے ان کی ازدواجی زندگی خطرے میں پڑسکتی تھی۔
دوسری جانب گلفوائل کے وکیل نے ان پیغامات کی صداقت پر اعتراض کیا ہے اور کسی غلط کام میں ملوث ہونے کی تردید کی ہے۔
دولت مند یونانی کاروباری شخصیات کی مہمان نوازی سے متعلق رپورٹس
وال اسٹریٹ جرنل نے اپنی ایک اور رپورٹ میں دعویٰ کیا کہ گلفوائل نے دولت مند یونانی کاروباری شخصیات کی جانب سے فراہم کیے گئے پرتعیش دوروں اور ہوٹلوں میں قیام کے بارے میں فخر کا اظہار کیا تھا۔ اخبار نے اپنے دعوؤں کے حق میں سیکڑوں پیغامات، ای میلز، دیگر ریکارڈ اور ریکارڈ کی گئی گفتگو کا حوالہ دیا۔
رپورٹ کے مطابق گلفوائل نے سوئٹزرلینڈ کے شہر ڈیووس میں عالمی اقتصادی فورم میں شرکت کے لیے یونانی تعمیراتی کمپنی ایکٹر گروپ کے چیف ایگزیکٹو الیگزینڈروس ایکسارخو کے نجی طیارے میں سفر کیا تھا۔
Serving as the United States Ambassador to Greece has been the honor of a lifetime. I will forever be grateful to President Donald J. Trump and Secretary of State Marco Rubio for entrusting me with the extraordinary privilege of representing the greatest country in the history of the world.
From my first day as Ambassador, I have worked tirelessly to advance President Trump’s America First agenda, strengthen our strategic alliance with Greece, and deliver meaningful victories for the American people.
During my tenure, we have helped secure historic agreements to expand American liquefied natural gas exports to Europe, advanced the Vertical Corridor to reduce Europe’s dependence on Russian energy, strengthened our defense and security partnership with a critical NATO ally, and expanded opportunities for American businesses and investment throughout the region.
I am especially proud of the role our Embassy has played in strengthening American energy dominance, advancing economic cooperation, and ensuring that the United States remains the indispensable leader in Southeast Europe.
These accomplishments are a testament to President Trump’s bold leadership, Secretary Rubio’s commitment to American diplomacy, and the extraordinary men and women who serve our country every day.
I also want to address the recent allegations against me. These allegations are false, and I intend to vigorously defend my name, my reputation, and my integrity. I have dedicated my professional life to fighting for justice, standing up for what is right, and defending the values that make America exceptional. I will not allow false accusations to define my decades of public service.
My gratitude and respect for President Trump and Secretary Rubio remain unwavering. I am proud of what we accomplished together, and I will always be a loyal supporter of President Trump and his mission to Make America Great Again.
While my time as Ambassador may be coming to an end, my commitment to President Trump, the America First movement, and the country I love will never end.
It has been the honor of my lifetime to serve the United States of America. My deepest heartfelt appreciation to the people of Greece for their hospitality, partnership, and welcoming me with open arms. God bless President Trump, God bless our incredible diplomats and service members, and God bless the United States of America.
— Kimberly Guilfoyle (@kimguilfoyle) October 13, 2026
اخبار نے یہ بھی رپورٹ کیا کہ گلفوائل نے یونانی جہاز راں صنعت کے ارب پتی نکولس ٹساکوس کے ساتھ سوئٹزرلینڈ کے خصوصی ریزورٹ گشتاد میں کرسمس گزارا اور ان کے ساتھ پیرس کے ایک مہنگے ہوٹل میں قیام کیا، جس کا خرچ ٹساکوس نے ادا کیا تھا۔
یہ بھی پڑھیں: سی این این پر پابندی کے بعد بڑے ٹی وی نیٹ ورکس کا ٹرمپ کی کوریج کے بائیکاٹ کا اعلان
امریکی ذرائع ابلاغ کی رپورٹس کے مطابق محکمہ خارجہ کے انسپکٹر جنرل اس معاملے کی تحقیقات کررہے ہیں کہ آیا گلفوائل نے نامناسب تحائف یا مراعات وصول کی تھیں۔
یہ انکشافات ایسے وقت میں سامنے آئے جب امریکی وزیر خارجہ مارکو روبیو گزشتہ ہفتے یورپ کے دورے پر تھے۔ انہوں نے ایتھنز میں قیام کے دوران ان الزامات پر تبصرہ کرنے سے گریز کیا۔
کمبرلی گلفوائل صدر ٹرمپ کی تحریک ‘میک امریکا گریٹ اگین’ کی نمایاں شخصیات میں شمار ہوتی ہیں۔ ڈونلڈ ٹرمپ جونیئر سے منگنی ختم ہونے کے بعد انہیں یونان میں امریکی سفیر مقرر کیا گیا تھا۔ وہ اس سے قبل پراسیکیوٹر اور ٹیلی وژن پر تبصرہ نگار کی حیثیت سے بھی کام کر چکی ہیں۔ ان کی سابقہ شادی کیلیفورنیا کے ڈیموکریٹک گورنر گیون نیوسم سے ہوئی تھی۔
