بھارت کی مشرقی ریاست بہار میں کشتی الٹنے کے نتیجے میں 13 افراد ڈوب کر ہلاک ہوگئے، جن میں زیادہ تر بچے شامل ہیں، جبکہ کشتی میں سوار 6 افراد کو بحفاظت بچا لیا گیا۔
خبر رساں ادارے رائٹرز کے مطابق حادثہ منگل کے روز ریاست بہار کے ضلع ویشالی میں پیش آیا، جہاں کشتی مسافروں کو قریبی گاؤں میں منعقدہ دعوت میں شرکت کے لیے لے جا رہی تھی۔
Vaishali, Bihar: 13 people killed after a boat capsizes in the Ganga river; visuals from the accident site. https://t.co/cWfUKj2OEQ
— IANS (@ians_india) October 13, 2026
ضلع مجسٹریٹ ورشا سنگھ نے ذرائع ابلاغ کو بتایا کہ کشتی اچانک الٹ گئی، جس کے باعث متعدد افراد پانی میں ڈوب گئے۔ حادثے کے بعد امدادی کارروائیاں کی گئیں اور 6 افراد کو بچا لیا گیا۔
علاقائی پولیس افسر سوبودھ کمار نے بدھ کے روز رائٹرز کو بتایا کہ پولیس واقعے کی وجوہات جاننے کے لیے تحقیقات کر رہی ہے۔
