پاکستانی یوٹیوبر رجب بٹ نے معروف سماجی کارکن عبدالستار ایدھی کی زندگی پر بننے والی فلم میں ان کا کردار ادا کرنے کی خواہش ظاہر کی ہے، تاہم ان کے اس بیان پر سوشل میڈیا صارفین کی جانب سے تنقید کی جا رہی ہے۔
میڈیا رپورٹ کے مطابق رجب بٹ نے احمد علی بٹ کے پوڈکاسٹ میں گفتگو کرتے ہوئے اپنی پسندیدہ شخصیت کا ذکر کیا، جس کا کردار وہ فلم میں ادا کرنا چاہیں گے۔
Rajab Butt has expressed his desire to portray Pakistan’s legendary philanthropist Abdul Sattar Edhi in a biopic. He shared this wish during a podcast with Ahmed Ali Butt, sparking interest in the idea of bringing Edhi’s inspiring life story to the big screen. pic.twitter.com/RzfNQ69OA1
— Elite Pakistan (@ElitePakistanEP) October 16, 2026
رجب بٹ نے ابتدا میں مزاحیہ انداز میں کہا کہ وہ اپنی ہی زندگی پر بننے والی فلم میں خود اپنا کردار ادا کرنا پسند کریں گے، کیونکہ ان کے خیال میں ان کی زندگی بھی دلچسپ ہے۔ بعد ازاں انہوں نے عبدالستار ایدھی کا نام لیا اور کہا کہ وہ ایدھی صاحب سے محبت کرتے ہیں اور ان کی زندگی پر بننے والی فلم میں ان کا کردار ادا کرنا چاہیں گے، بشرطیکہ وہ ان کا حلیہ اپنا سکیں اور ناظرین بھی انہیں اس کردار میں قبول کرلیں۔
رپورٹ کے مطابق رجب بٹ کے اس بیان پر سوشل میڈیا صارفین نے ناپسندیدگی کا اظہار کیا۔ بعض صارفین نے ان کی شخصیت اور ایدھی صاحب کی سماجی خدمات کا حوالہ دیتے ہوئے اس انتخاب پر اعتراض کیا۔
یہ بھی پڑھیں:رجب بٹ کی اہلیہ کا عدالت سے رجوع، ماہانہ نان نفقہ اور جہیز کی واپسی کا مطالبہ
عبدالستار ایدھی پاکستان کی معروف سماجی شخصیت تھے، جنہوں نے اپنی زندگی دکھی انسانیت کی خدمت اور فلاحی کاموں کے لیے وقف کر دی تھی۔
