نائب وزیراعظم اور وزیر خارجہ سینیٹر اسحاق ڈار اور عمان کے وزیر خارجہ سید بدر بن حمد بن حمود البوسعیدی نے پاکستان اور عمان کے درمیان تجارت، سرمایہ کاری اور عوامی روابط سمیت مختلف شعبوں میں تعاون بڑھانے پر اتفاق کیا ہے۔
ترجمان دفتر خارجہ کے مطابق دونوں وزرائے خارجہ کے درمیان یہ ملاقات پاکستان اور عمان کے آٹھویں مشترکہ وزارتی اجلاس سے قبل ہوئی۔
H.E. Sayyid Badr bin Hamad bin Hamood Albusaidi @badralbusaidi, Foreign Minister of the Sultanate of Oman, was received by Deputy Prime Minister/Foreign Minister Senator Mohammad Ishaq Dar @MIshaqDar50 at the Ministry of Foreign Affairs today.
The two leaders will hold a… pic.twitter.com/r2h0Dkq56Z
— Ministry of Foreign Affairs – Pakistan (@ForeignOfficePk) October 14, 2026
ملاقات میں دونوں رہنماؤں نے پاکستان اور عمان کے قریبی برادرانہ تعلقات کی اہمیت پر زور دیا اور کہا کہ باہمی دلچسپی کے تمام شعبوں میں تعاون مزید مضبوط بنانے کے لیے اعلیٰ سطح پر رابطوں کا سلسلہ جاری رہنا چاہیے۔
ملاقات کے دوران علاقائی صورت حال پر بھی تبادلہ خیال کیا گیا۔ دونوں وزرائے خارجہ نے پائیدار امن اور استحکام کے لیے مذاکرات اور سفارتکاری کی اہمیت پر زور دیا۔
یہ بھی پڑھیں:پاکستان اور عمان کے وزرائے خارجہ کی ملاقات، مشترکہ وزارتی کمیشن کا آٹھواں اجلاس آج ہوگا
عمانی وزیر خارجہ نے علاقائی امن و سلامتی کے فروغ کے لیے پاکستان کی کوششوں کو سراہا، جبکہ نائب وزیراعظم اسحاق ڈار نے بھی خطے میں امن اور استحکام کے لیے عمان کے تعمیری کردار اور مشترکہ کوششوں کو سراہا۔
