نائب وزیراعظم و وزیر خارجہ سینیٹر محمد اسحاق ڈار نے ترکیہ کے وزیر خارجہ حاقان فیدان سے ٹیلی فون پر اہم گفتگو کی ہے، جس میں دونوں رہنماؤں نے دوطرفہ تعلقات، غزہ کی صورتحال اور رواں ماہ عراق میں ہونے والے اسلامی تعاون تنظیم (OIC) کے وزرائے خارجہ اجلاس کی حکمت عملی پر تفصیلی تبادلہ خیال کیا۔
Deputy Prime Minister/Foreign Minister Senator Mohammad Ishaq Dar @MIshaqDar50 held a telephone conversation with H.E. Hakan Fidan, Foreign Minister of Türkiye.
The two leaders exchanged views on regional and international developments and matters of mutual interest, including… pic.twitter.com/ENT8CekUa1
— Ministry of Foreign Affairs – Pakistan (@ForeignOfficePk) October 15, 2026
گفتگو کے دوران دونوں رہنماؤں نے علاقائی و عالمی پیشرفت سمیت باہمی دلچسپی کے اہم امور، بالخصوص غزہ اور فلسطین کی تازہ ترین صورتحال پر تبادلہ خیال کیا۔ اس موقع پر 17 اور 18 اکتوبر کو عراق میں ہونے والے ‘اسلامی تعاون تنظیم’ (او آئی سی) کی کونسل آف فارن منسٹرز کے آنے والے اجلاس کے ایجنڈے اور مشترکہ حکمت عملی پر بھی تفصیلی بات چیت کی گئی۔
یہ بھی پڑھیے اسحاق ڈار اور ترک وزیر خارجہ کی ملاقات، دوطرفہ تعلقات مزید مستحکم بنانے پر اتفاق
دونوں وزرائے خارجہ نے دوطرفہ تعلقات کو مزید مضبوط بنانے کے ساتھ ساتھ کثیر الجہتی عالمی فورمز پر بھی مشترکہ مقاصد کے حصول کے لیے باہمی تعاون اور نزدیک تر انداز میں مل کر کام کرنے کی اہمیت پر زور دیا۔
