روس کے وزیر داخلہ ولادیمیر کولاکولتسیف پاکستان کا 4 روزہ اہم دورہ مکمل کرنے کے بعد ماسکو کے لیے روانہ ہو گئے۔
نور خان ایئر بیس پر وفاقی وزیر داخلہ محسن نقوی نے روسی ہم منصب کو رخصت کیا۔ اس موقع پر روس کے وزیر داخلہ نے دورے کے دوران شاندار اور پرخلوص مہمان نوازی پر اپنے پاکستانی ہم منصب محسن نقوی کا دلی شکریہ ادا کیا۔
دریں اثناء، اسلام آباد میں سفارتی سطح پر بھی اہم پیشرفت ہوئی ہے، جہاں روس میں تعینات پاکستان کے سفیر فیصل نیاز ترمذی نے وزارتِ خارجہ میں نائب وزیراعظم و وزیرِ خارجہ سینیٹر محمد اسحاق ڈار سے ملاقات کی۔
روس کے وزیر داخلہ پاکستان کا 4 روزہ دورہ مکمل کرکے ماسکو روانہ
وفاقی وزیرداخلہ محسن نقوی نے روسی ہم منصب ولادیمیر کولاکولتسیف کو ائرپورٹ پر الوداع کیا
روس کے وزیر داخلہ نے پاکستان میں شاندار مہمان نوازی پر پاکستانی ہم منصب محسن نقوی کا شکریہ ادا کیا https://t.co/5r01G2EzdQ— Ministry of Interior GoP (@MOIofficialGoP) October 15, 2026
ملاقات کے دوران نائب وزیراعظم و وزیر خارجہ اسحاق ڈار نے پاکستان اور روس کے درمیان بالخصوص تجارت، سرمایہ کاری اور مواصلاتی رابطوں کے شعبوں میں تعاون کو مزید فروغ دینے کی ضرورت پر زور دیا۔
انہوں نے اس بات پر بھی روشنی ڈالی کہ حال ہی میں دونوں ممالک کے درمیان ہونے والے اعلیٰ سطح کے رابطوں اور دوروں سے باہمی تعلقات میں جو مثبت پیش رفت ہوئی ہے، اسے آگے بڑھانے اور مشترکہ مقاصد کے حصول کے لیے مسلسل فالو اپ اور عملی اقدامات انتہائی اہمیت کے حامل ہیں۔
